非主流書評:《超・殺人事件》東野圭吾

novel20131209小說家為何要寫出與故事情節無關,又瑣碎嘮叨的冗長敘述?為了騙稿費?不,他們另有所圖……

  轟動推理小說界的驚人詭計,到底是以多麼可笑的方式誕生的?作家嘔心瀝血想出來的?不,他們另有祕方……

  令沒沒無聞的新人作家一夕走紅的神奇捷徑是什麼?努力寫出好作品?不,他們另有驚人之舉……

  看日本暢銷書天王妙筆如珠,直指文學界各種匪夷所思的怪現象。八篇諷刺又爆笑的「推理文壇大小牌現形記」!

當你睇咗一連串東野圭吾作品睇到神經緊張,不妨可以睇下呢本舒緩一下心情。唔知呢本書係咪真係一啲推理作家嘅寫照。

呢本令我睇到推理小說界嘅“內幕"!例如諷刺作家會因為某個原因而將書中情節拉長,場景改變;諷刺作家會係書中運用一大堆令讀者難以明白嘅科學理論解釋犯案手法;諷刺推理小說冇結局要讀者自己推理凶手嘅原因;諷刺推理作家一成不變嘅推理情節令到推理小說讀者不增反減;諷刺作家突然走紅原因;諷刺一部作品為咗增加篇幅而將內容加長及加入太多資訊性內容;諷刺一啲明明太深奧又唔好睇但又成日拎乜乜文學獎(呢篇本人真係深深認同)。

書中每篇都睇到拍案叫絕,原來東野圭吾可以咁風趣!

%d bloggers like this: