梁隼樓評:虛擬出來的東西要消失係話都無咁易

筆者多年前睇過一套湯告魯斯主演,改編自小說的《強戰世界》,故事講述地球有一日潛伏在地底深處的怪獸被召喚醒來,係地球上見人就殺,人類完全無招架之力,只有不斷逃亡,不過到最後竟然反高潮突然全部死晒,原因竟然係地球太污染,所有怪獸被細菌感染死去。
war_of_world_2

返黎現實世界,過去幾十年香港都出現過兩樣低成本快速致富的法寶,其中一樣就係政府為了收地開發新市鎮,就發出甲種及乙種換地權益書俾屋地同農地的業主,持有換地權益書的前業主可憑証換位於新界的屋地。

呢類換地權益書對好多業主而言都無乜價值可言,但係對發展商就係一個低成本換地的黃金機會,好多發展商都因此收集了不少權益書,換地發展大型住宅項目,証書成為了發展商無限土儲的保証。

後來呢個屈機行為就隨著政府一次過將所有換地權益書轉換土地而結束,恰巧就好似強戰世界的怪獸一樣,一夜之前無晒威力。

另一邊箱,世界都發生緊一個完美的投資計劃,就係近日炒到飛天的bitcoin,就算中國政府講左唔當bitcoin係法定貨幣,市場只係嚇一嚇立即又炒過,呢隻挾供應有上限,受全世界網民監管的東西好似好完美,比黃金更堅挺似的,仿佛世上無野比bitcoin更可信。不過睇完場戲,又睇完歷史,真係唔難保終有一日會有甚麼政策或黑天鵝走出黎將bitcoin變成歡樂天地(已倒閉)coins。

延伸閱讀:
http://hk.finance.yahoo.com/blogs/tokuhon/既有虛擬貨幣-也有虛擬土地-035835324.html

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: