資訊科技:NFC無卡提款可能嗎?

Ad

nfc

(圖按:iphone幾時要支援手機八達通,等我唔駛再用雙面膠紙幫佢地強行合體呢?)

銀行近年已陸續宣傳有關NFC 技術的產品:

先係匯豐推出為iPhone而設,附設手機功能的手機套。

其後恆生銀行同電訊盈科合作推出只支援Android 部份手機的電子錢包。

接住就到中銀推出的手機錢包,利用Micro SD 卡作為安全元件,儲存信用卡資料。

最近有花旗銀行與3香港合作,利用附有NFC功能的貼紙來為iPhone及大部份不支援NFC功能的手機實現NFC電子 錢包。

另外仲有八達通同樣和電訊盈科合作提供支援Sony手機的電子錢包服務,以上所有服務都只係用作電子支付,但係提取現金就毫無進展,大眾市民提款仍然要用提款卡在網上提款。

不過係外國就已經行前左好多步,如烏克蘭的一間銀行已開發了無卡ATM提款功能,該銀行部份提款機甚至只支援NFC無卡提款,櫃員機上不設鍵盤,假如要利用該ATM機提款的話就要先用已安裝電子錢包App 的 Android 手機輸入金額,再把手機拍在ATM機的感應器上,就可以提取現金。

這樣對銀行同對客戶都有好處,銀行可以節省在發卡發管理ATM密碼的開支,另外ATM的螢幕同鍵盤都轉移在手機App,亦可以慳番唔少硬件上的支出。

對客戶黎講當然係安全性的提升,一方面係唔駛再怕俾人係後面睇倒個密碼,另一方面就唔駛怕唔見提款卡。咁客戶唔見手機又點好?依家個個人都機不離手,但係卡用完就放銀包,甚至周圍放,咁唔見手機的風險其實低過唔見卡好多。

假如係咁,又可否再進一步,利用手機錢包援權第三者可以從ATM機提取指定的金額?外國已有相關服務,香港要普及相信只係時間問題。

下圖呢部就係ATM機,相信嗎?

ATM

 

資料來源:

http://www.nfcworld.com/2013/11/05/326710/privatbank-cuts-atm-costs-nfc/

 

作者網誌:http://www.ccomentary.com

%d bloggers like this: