置業信箱:新界西邊啲屋苑潛力更高?

承蒙諗sir邀請,現代答以下問題。

請問諗sir 認為邊個屋苑潛力更高? for 自住, 亦希望數年后物業升值, 可1開2:
1) 天水圍柏慧, $330萬, 實呎500, 中層

2) 屯門兆康聚康山莊, $330萬, 實呎440, 中層

3) Other: 新界西屋苑

答:如果得柏慧同聚康兩個揀,恐怕兩個都滿足唔倒再升值甚至一開二的願望,因為買得呢兩個屋苑,心態上都係想用平的價錢去買間有會所的大屋苑。除此之外,我地又睇下呢兩個屋苑條件上有咩野局限。

柏慧不近西鐵站,出入要轉輕鐵,同一條件的屯門和元朗住宅實在太多,而天水圍站附近未來已劃為住宅用地,未來會令到這類屋苑相對失色。另外,屋苑隔離的天榮輕鐵站上蓋遲早都會起樓,除非係望中央公園或者西北河景(不過又會望住興建中的天水圍醫院),否則中層景觀會必定會被遮擋,到時又有藉口被人壓價。

聚康山莊就連輕鐵站都沒有,要行一大段路先去到西鐵站,除此之外對外交通,買日用品等都要依賴隔離的富泰邨,另外聚康山莊附近有唯一可取的是附近無起樓的計劃,景觀沒有變數。

另外要留意屋苑附近有一清涼法苑和極樂寺,寺廟內有骨灰龕位,雖然同屋苑有一段距離,但或多或小對準買家做成心理上障礙。

聚康山莊附近

所以呢兩個屋苑只有自住價值,要搏長期升值或跑贏大市都有點難度。

想搵新界西區有潛力的屋苑搏一開二,就要從整個地區的佈局著眼,筆者在前文(http://notcomment.com/wp/?p=5461)指出,短期是屯門市中心,長遠是洪水橋,不過洪水橋未來的市中心沒有屋苑可供選擇。所以要選的話,屯門站附近(包括大興花園、卓爾居果邊)是首選,其次是元朗站,其他的只能與大市同步。

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: