小混混傳(6):到CEO 之路:以茶會友

Ad

career06

菜鳥大學畢業生阿笨,由於受到前度女友的勉勵,終於憤發圖強, 成功掙脫雙失命運,得到一間深圳中型布廠的 MT 職位,展開人生旅途新的一頁。

於上班的第一天, 再度遇上董事長千金 Monica, 得悉其真正身份, 以致妄想症發作…….

角式簡介 :

阿笨 —- 菜鳥乙名, 具小聰明, 懶, 偶爾勤力, 經常性地幻想, 女性緣頗佳, 好色, 超低能, 勁搞笑…….

小惠 —- 阿笨前度女友, 復合可能度 0%, 阿笨自以為 50%.

Amy —- 阿笨大學導師, 好心地但辣咀巴

權哥 —- 股壇燈俠

Ben —- 阿笨中同, 正直青年, 未來媾女聖手

祖兒 —- 保險經紀, 口才了得

candy —- 阿笨同事, 同team

小娟 —- 阿笨上司

笨媽 —– 唔知點形容……..

—–

大門一開,只見 Candy T-shirt 熱褲一度,頸上圍著毛巾,頭髮濕漉漉的,看來剛洗過澡。

「Sorry 呀阿笨,你有冇風筒可以借俾我呀? 我果個0岩0岩壞左….」Candy 無奈的道.

「哦,妳等等啦,我應該有係度,入去搵俾妳,唔0岩入黎坐坐,不過有d 亂,唔好介意喎~」大家尚未稔熟,我頓時客氣起來,裝正經,扮 nice guy.

由於是第一天在宿舍過夜的關係,我大部份的生活用品依舊在紙箱中,雜物又多,故此真係要「搵」先會有.

「係喎,妳飲唔飲d 野? 我雪櫃有野,妳要就自己拎啦~」我一邊翻箱倒籮篋,另一邊廂盡力好客.

「咁我唔客氣喇~」

「嘩~ 乜你咁多檸檬茶既? 又維他又陽光又雀檸,仲有個檸檬添!!! 你唔係諗住自己整凍檸茶呀?」Candy 幾近尖叫地道.

「哈,我鍾意飲檸茶丫嘛,而且隻隻味唔同架,維他就偏甜,0岩食飯宵夜時飲; 陽光果隻菓然系茶就偏淡,0岩齋飲; 至於雀檸,就最甜,我做完運動勁口乾時先飲」

「至於個檸檬…….用黎辟味既遮~」

「頂…..」Candy 被我搶白了一句,無好氣地拿起一包維他,邊喝邊使勁地擦她的長髮,咀巴也沒閒下來「係喎,你返左一日後有咩感覺呀?」

「OK啦~ d 同事都幾nice 丫~ Monica 幾靚女丫~」我近乎廢話式的回應著.

「哦~ 你想追人呀? 不過小心d 喎,人地係董事長個女黎架~」

「吓? 唔係呀嘛??」雖然早知道這個事實,我還是交足戲,裝出驚訝,意欲聽埋成個故仔.

「哈,今日我同小娟吹水時聽番黎既~ 聽講佢外國畢業返黎無耐之嘛,大我地一兩年,好似仲係單身個喎~」Candy 如數家珍般道出今天「收集」回來的小道消息,一臉得意.

「咦,妳收風既能力都幾勁喎~」我遏力的裝一個傻仔,卻又忍不住贈了一句.

Candy 接過風筒後,卻似乎聽不出話中帶刺,托一托她的 Dior 膠眼鏡,笑道「得啦,有野實話俾你知喎,咁我走先喇,聽朝先還番個風筒俾你丫~」

望著 Candy 的背影,我心底不禁響起了一句<<火武耀揚>>的名言.

「來說是非者,便是是非人」

看來將來還得多加小心了.

* * * * * *

翌日

好不容易又捱過了一個早晨.

又到了兩餸一湯,白飯任裝的午飯時間. 公司辦公室的職員九成以上都會在飯堂用膳,故此午餐時間大家都趕頭趕命,搶著吃過飯後便回宿舍午睡.

今天來得稍晚,眼看位置都黑壓壓的坐滿了人, 看來得等一回了。

「唏~ 阿笨,過黎呢便坐丫~」嬌鈴似的聲音傳到耳中,沒錯,Monica.

四周都水洩不通,唯獨Monica 周邊幾個座位都空著,看來「太子女」效應在公司都頗厲害。我一於少理,有位食飯最緊要,老實不客氣地坐到她身旁,並跟 Monica 閒聊幾句,都是些客套話.

飯後,Monica 便乘公司車回香港了. 我稍息再回辦公室時,睡眼惺忪的,忽然肩上給輕拍了一下.

「阿笨~怎麼了? Monica 走了就失魂落魄喇? 」原來是小娟.

「不是喇,我只是沒睡醒…..」

「哈~ 努力吧,聽 Candy 說你也蠻投入的呢~ 檸檬俠」

「………….」

想不到 Candy 不僅收風厲害,放風的效率也一樣高.

%d bloggers like this: