小混混傳(1):到CEO 之路:求職

Ad

career01

「Amy,今次妳真係要幫下我,呢鑊唔 (L) ….衰得!!」

我腦海裡還殘留著今早小惠離去時的背影,想起自己的窘境,粗口都幾乎衝口而出。

Amy Chan 是我英語課的 tutor ,素以俾 grade 狠辣無情、寸學生寸到飛起見稱。還記得第一天上課時,遲到,還口快快的用普通話(剛上完普通話課) 和同學們打個招呼,想著搞搞氣氛。結果當然是給Amy 噴到一面都係,後來相處下來,竟然跟她成了朋友,一起喫過幾次下午茶。

「笨,有咩事坐低慢慢講,不過要我放 grade 就免問了。」

換著平日,我又會跟她來一番搶白了,但這個時候搵工要緊,趕緊坐下跟她道出我的困難。

「嗯……咁你覺得自己有咩優點缺點呀? 我講搵工果d ,你追女仔果d 遲d 先講」Amy 聽過我的故事後,沉吟道。

我當然明白 Amy 的用意,孫子有云,知己知彼,百戰不殆。想present 自己給未來老細之前,必先弄清楚自己是怎樣的一個人,難道面試時倒模的說自己表達能力強,嗜好是運動和音樂嗎?

「先講缺點吧, 第一,你都知我英文有幾屎; 第二,成績差; 第三,無突出專項; 第四,懶; 第五…..」我幾乎把自己數到像一塊地底泥,直到 Amy 的頭搖得快要掉下才停下來。

「再講優點,第一 …第一,表達能力好; 第二,普通話唔錯; 第三,個樣過得去; 第四,有大陸經驗,第五….」我又一口氣說了一大堆,自信心馬上返晒黎,不過這次 Amy 的頭比剛剛搖得更厲害,再附送一個「頂你條友唔順」的表情。

「OK,笨,其實你對自己的能力都好了解,可以說有點過份了解的地步,咁啦,你返去執執個resume ,再上網睇睇個學生搵工網,你大概會知有咩工0岩你做,到時你再返黎搵我啦。」

Amy 就是這樣,永遠不會給你一個答案,她的說法跟醫生對病人說感冒要多喝水,多休息基本上沒分别。不過後來經過我苦苦相迫,她還是多講了一些職場的最新消息和招生要求,總算有多點眉目了。

* * * * * *

跟Amy 再次會面後,接下來的一個月,我基本上每天都會寄出三封求職信,而且都是經過挑選,不是 9 寄那種,針對都是有以下成份的工作:

1. Sales

2. MT

3. 大陸廠

皇天不負有心人,一番努力之下,開始陸續的收到電話或者 e-mail,相約筆試或面試。

「係呀,聽日朝早就去 in abc 公司 ,下晝再去做 Maersk 的一個written test 加面試,係呀,我pass 左佢果個好難的 aptitude test 丫嘛,好 q 忙呀! 」我以近乎暴發戶式的口氣,向電話筒另一邊的小惠「示威」,妖,我有時真係幾小男人的。

「咁咪好囉,你等等先,電視機有特發新聞…..」正當我得意洋洋之際,電話筒傳來我最喜愛的新聞報導員魏以珊的鏗鏘聲音。

「衛生署宣佈,非典型肺炎於淘大花園E座大幅擴散,由即日起,會隔離淘大花園的E座居民…….」

「沙士失控,唔X 係呀嘛…..」我的手一顫,電話鬆手掉下,幾乎擊中要害…….

%d bloggers like this: