資訊科技:手機錢包點只用來付款咁簡單

Ad

利用近端通訊( NFC )技術的付款方案來來去去都係得八達通,而八達通都稱霸左十幾年,基本上只要一張八達通,全日可以不用一毛錢。另一方面銀行係最近一年先開始籌備同推廣手機錢包,不過銀行推廣同時八達通又走前一步,同 PCCW 合作手機版八達通,除左可以付款外仲可以睇番交易紀錄,銀行手機錢包輸了頭威又輸了時間。

首先好快咁講下手機錢包係咩黎,簡單黎講成個手機錢包(客戶端)只需要三樣野:1.具備 NFC 功能的組件;2. 安全元素(Secure Element),當然唔少得一個手機錢包 Apps。

依家唔係好多手機有NFC功能,只有大牌子如Samsung或者Sony有,也只限於Android平台,不過市面上都有好多插件可以令手機有NFC功能,例如HSBC用緊的 iCarte 手機殻,銀通早前公佈的 OTI 插件等,都可以令 iPhone 都可以有NFC。

安全元素主要用來把重要資料如信用卡資料等加密,令到資料不易被盜用,增加安全性,依家市面上有三種形式,分別係利用SD Card (中銀),SIM Card  (恆生及Citibank),同埋附設在外掛插件,HSBC 的 iCarte 同銀通的 OTI 插件都係呢種形式。

筆者同朋友講起手機錢包,不少朋友和筆者都戲言搞咁多做乜,依家的手機套都可以放張八達通入去,咁咪手機錢包囉。而且仲不受手機型號限制,連本身無具備 NFC 功能的 iPhone 都用倒。不過呢個土炮方法係得啖笑,亦都係只見樹木不見樹林的睇法。

事實手機錢包又點只付款咁簡單,因為手機錢包Apps 能夠提供介面,令我地可以用黎付款、查數,再勁D可以用黎管理多張卡,按唔同客仔喜好推送Coupon甚至訂戲飛、訂船飛等,再諗遠些少,甚至可以玩埋 Peer-to-Peer (P2P) 支付方案,到時真係手機比銀包更重要。

mwallet

未來的科技,都係傾向將實體行為數碼化,手機錢包只屬一例,至於點做,同埋做倒D乜,日後再講。

 

作者網誌:http://www.ccomentary.com

%d bloggers like this: