梁隼睇新樓:啟德一號好貴又煩唔好買?

2013年初,有個人選舉完之後諗住找數,於是搵來一班記者係啟德發展區指住一塊地講:呢塊就係港人港地喇,呢塊地只賣俾香港人,30年內都唔可以賣俾非香港人,幾個月後,呢塊地以市價4500蚊一呎俾中國海外投得,再三年後,呢個樓盤改左個名叫啟德一號,仲因為幾年後沙中線通車後有個啟德站係隔離,於是就聲稱用九龍站做參考開價,結果折實後萬二蚊呎起錶,令到港人無得平價買樓,傷盡唔少人心。

筆者上網睇到有人話發展商賺盡,又話政府多鬼餘,咁這些都係事實,發展商有得賺唔賺,點同股東交代好?政府推左BSD又有居屋,都趕絕晒外來投資者同俾晒機會香港人買樓,搞塊咁既地好有可能係某人意氣用事。

咁個屋苑呢個價值唔值先?好易啫,用下附近半新樓拍一拍就知,譽港灣同現崇山都係萬二蚊左右,咁新樓本應有溢價,依家就當係有好多限制條款所以打個折,咁折實後同呢兩個屋苑差唔多價錢,咁咪差唔多。

再睇下地段,啟德一號等到沙中線通車就即刻唔同晒,因為啟德站就係隔離,問題係沙中線係咪真係2019年通到車去紅磡站,再2021年可以過埋海,如果真係咁順利,個樓盤預計2018年尾入伙,都唔係等好耐,都可以接受。

呢個盤買賣同放租表面上都多多事實,實際上就係依家國內人有心黎買樓,都識搞個移民做左香港人先買樓啦,至於放租,一間屋住5年乜都殘晒,業主唔趕都租過第二間啦!既然係咁,嘈甚麼呢?

講左咁耐,買唔買得過先?其實依家買樓,只要夠平就買得過,不如擔心揀唔揀到樓好過!

啟德一號

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: