梁隼樓評:600呎有四房有乜咁出奇?

四叔最近的新盤充滿了話題性,北角個新盤最細得163呎,最頂癮係最低果層連平台單位,送果個平台成五百幾呎,有3個單位咁大,跟住再推何文田新盤,又俾人話連架車位都大過個單位,但開價三百幾萬!

推左兩個納米盤之後終於有番個正常少少,起碼有兩房、三房、甚至四房一套,講緊就係南昌街同通州街交界,面對西九龍公路既南昌一號,由於樓書仲未出街,個則開成點同面積幾大都係估估下,但係聽報紙講,會有款四房單位實用面積只係599呎,500呎樓間兩房都嫌細既香港人,一知到有咁奇既則仲唔即刻呆左。

不過講起細樓則,四叔可以話係專家,遠在80年代好多上車盤都係二百幾三百呎有兩房,四百幾呎有三房,近少少近十幾年,港灣豪庭最細果隻兩房只有326呎,再近少少,紅磡既新盤城中匯既兩房單位都係得400呎左右,講開四房,港灣豪庭最大果隻單位,3睡房加一個雜物房,實用面積都係得601-607呎,南昌一號600呎有四房,原來都唔係咁出奇。

新城中心

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: