梁隼樓評:橫州風暴睇後市

政府原先諗住係橫州起萬七咁多個單位,點知摸完鄉紳既底發覺講大左,於是就轉移目標,由原居民地改為非原居民地,由萬七個縮到四千個,點知搞著個票王準議員,隨時四千個都起唔到。

呢個政府自回歸後做野都係有一個模式:先由上面俾一些不可能的任務,再由上面好離地咁提議一些講出黎好容易,做起上黎困難重重又多手尾跟的方向,最要命係,諗都唔駛諗下就向外公佈,再俾埋期限,然後推比下面搞掂佢。

因為好多計劃只係上面幻想出黎,同埋俾好多超現實既目標,結果就係好多野都有頭無尾,或者開頭做到少少成績就無晒下文。最精彩的就係要問責都只係問班細既,做野既責,上面就繼續好天真咁幻想落去。

筆者睇到政府大賣廣告話土地供應諗到2030年咁遠,又話10年起幾十萬個單位,咁頭呢一兩年又真係交到貨,仲要交突貨!不過橫州呢單野就好實在咁同政府講,原居民地動不得,非建制又會講,非原居民地都動不得!筆者早兩三年曾說,郊野公園動不得!法例又講明維港填海動不得!最後加埋環保人士又話香港填海動不得!樣樣都動不得,又無一個士氣高昂,行動敏捷,執行力強的團隊去諗計,筆者恐怕供應最多交足貨多兩三年就無以為繼,到時睇下會有甚麼理由去解話!

%e6%a9%ab%e5%b7%9e%e9%a2%a8%e6%9a%b4%e7%9d%87%e5%be%8c%e5%b8%82

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: