梁隼樓評:樓價會牛三嗎?

有一日筆者朋友的whatsapp群組有人問點睇樓市,筆者淨係講左一句:牛五(應該係牛三至岩),之後就有好多群組朋友列出好多支持樓市的數據,例如國內M2增加左好多,人工多左好多,銀行水浸等等。

筆者又唔係第一次講唔中,幾年前大大聲話中原指數最熊見74, 好彩當時無話唔見就乜乜乜,唔係條數就有排找。自打完咀巴之後又講番樓市,咁筆者又憑乜話個樓市見牛三呀?

睇番過去幾年的二手樓價指數,2011年三次見頂後回落,去到90點左右就收工,2012年就爆上去2013年123點,之後又橫行左一年,去到2014年又爆上去到2015年的歷史高位146點就終於有明顯既調整,不過跌到去126點左右就升番。直到依家9月頭就係137點。

近幾年既走勢,都算係一浪高於一浪既走勢,而上一個頂就變成支持位,仲要係返唔番轉頭既支持位,所以牛唔牛三就要睇下呢次升市可唔可以升過146點之後再升多兩成,即係170點左右。如果升唔穿又點?咁就大件事,因為會形成一個大雙頂。

睇番目前形勢,升穿機會好大,因為資金受左咁多年教育,買樓係最保值同埋回報最好,再睇埋過去咁多次話跌都跌唔死,恐慌性買入好快就會出現。

%e6%a8%93%e5%83%b9%e6%9c%83%e7%89%9b%e4%b8%89%e5%97%8e

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: