女人幸福教:你係咪唔信我先?

女人要幸福,好似好難,亦可以好易。只需要將達至幸福道路的法門掌握,多多少少都可以增加達成的機會

──女人幸福教教主

就以日常對話為例,好多人聽野只係聽表面的字句,而唔係深究對方真正的意思,覺得好複雜,好難接受!

咁就要學會語言解碼,咁至唔會比「語言偽術」誤導。

有一天有個女同事埋我位,埋尾講左一句:「你係咪唔信我先?」大家覺得點呢?

1, 2, 3, 叮!

你係咪唔信我先

圖片來源:源自網上

 

開估:講果個人信心唔夠,本來諗住整多句加強說服力;但係聽果個本來都半信半疑,而家連僅有的信心都動搖了!

成日聽人講:「輸人唔輸陣,講野咪蝕章。」呢個就係典型的講野蝕章的例子,明明係想加強對方的信心,結果卻適得其反。

如果佢講:「我講野有邊次做唔到先啫?」即使以前間唔中放過下飛機,但係接收者的第一反應是「係喎!一定係講堅。」

反過來用,如果有人對你講左一堆野,然後同你講:「你係咪唔信我先?」你可以解碼為:佢就算唔係講大話,起碼佢自已都唔夠信心。

識聽野,識講野,距離幸福的道路,又近一截了!

 

%d bloggers like this: