簡易入廚:雪菜粉皮

前兩日等朱生放工時去左三聯打書釘。連氣睇左成個鐘食譜書, 除左近日紅人周中師父出食譜外, 久未露面的方太都有新作, 其他仲有那個在星島寫下食譜的le creuset collector梁太, am730的winnie姐, 美女廚神蘇玉華等。網上有咁多免費食譜可供參考, 要本書有market除左作書人要有名氣外, heart都好緊要, 否則高下立見。周師父果本都寫得幾好, 有趣嘅係佢係用屋企隻鑊炒嘅, 鑊鏟仲燶燶地, 好raw。親切的方太果本就令人有d失望, 菜色有點簡單, 又不見有傳授什麼秘技。梁太就以豪為主, 和牛漢堡扒! winnie姐果本就沒什麼印象, 反正每日am730的食譜也不大吸引, 識得下廚的同事也有說過很倒胃。蘇玉華就以中西皆通作賣點, 美女是美女, 造作的相片卻搶了食譜的鏡。

其中有一本新食譜是教上海菜的, 叫什麼”上海人的媳婦”, 有好幾個菜都用了粉皮, 有涼拌的有下湯的。今日就喺街市粉麵舖見有乾粉皮賣, 就買來實習一下。平時屋企做雞絲粉皮都用南貨舖放在雪櫃濕的那種, 不過通常都較軟身, 沒嚼頭。 今次就冒一下險, 用乾的。一包10蚊有3、4塊, 袋上寫”天津粉皮”。袋上說明話只須用食水浸軟, 就可以食用。浸了30分鐘仍見浸不透, 最後惟有將它沖過熱水涼。效果果然比濕粉皮有嚼頭但就冇濕的爽滑, 各有各好。

 

What’s In?

乾粉皮一包  雪菜2蚊

 

How to make?

1. 雪菜浸水去咸15分鐘。切末。

2. 乾粉皮剪去硬邊, 再剪成1.5cm闊條狀, 浸水30分鐘後, 下熱水灼一會(注意水不能太熱)至見透明, 撈出, 沖凍水, 最後用食水沖淨隔水待用。

3. 將粉皮及雪菜混合, 拌麻油、糖、少少豉油。OK

 

朱太與你-我的煮飯日記
http://sandycookpad.hkblogcity.com/

%d bloggers like this: