理財信箱:公屋仔失敗投資經歷

諗sir你好,看了你的書和blog後,令我對投資有很大轉變,亦讓我後悔以前做的投資。有些問題,想問問你,煩請你給我寶貴的意見!感謝你!

本人27歲,月入2萬5,工作每年可加1千。由2013年月供基金,初時月供6千。今年加至1萬,供25年,每年回報約8%,1年半後才可增減供款,因想未來兩年可拿30萬給首期上車,現已有約21萬。家用1萬。現與家人同住公屋。保險每月約5百。扣除日常開支,每月只能儲約3千。

早前有2012年投資,用20萬港幣換澳元(兌率7.5)收息,收了兩年,可惜最近澳元大跌,令我蝕本。今年見逢A股上,所以買了惠理的中國基金,用澳元對沖方法。現蝕了6萬左右,因價蝕兌率又蝕。另外5萬港元亦買了惠理中國基金,但現今亦蝕。

另外本人亦持有股票約15萬,主要是細價股,已成蟹貨。現在只等回家鄉。

現今只有5千元。每月有餘錢都放在細價股上。

本人還打算兩年左右結婚買樓,我女朋友儲每月6千(亦會負責結婚方面的洗費),上車方面家人會資助一至兩成首期,預計可拿到100萬。

拜讀完諗sir著作,頓時深感懊悔,亦痛哭無淚。盼望諗sir能指點我,好讓我的方向得到大的進步!

公屋仔失敗投資經歷

答案

不少港人都有錯誤的投資觀念,原因是街上散佈太多廉價或免費的投資資訊。若未經訓練及胡亂跟從、最尾可達幾個效果:

1.基金經理穩袋管理費而對投資人的賺蝕不負責

2.打工仔辛苦儲黎既錢因聽從專欄一個股票number而被捲到上市公司莊家手上

伸延閱讀:為什麼散戶們總是輸錢?-避開股市的陷阱

3.亂咁買金買窩輪、在未攪清風險之下去投資。而銷售人員傭金穩袋

當然、有一派人對風險極為注重、可是對於風險如何量化一事毫無認知。於是對任何投資物都一概拒絕、最尾手上銀紙之內含值盡被稀釋、人到六十先知自己犯下大錯。

公屋仔要翻盤,先由一句老說話開始:「請勿胡亂抄捷徑。」佛家謂:「貪、瞋、癡」此為人三大煩惱之根而貪字居首(癡為癡戀、瞋可解為遷怒他人)、大家都知道貪快往往得慢、而讀者希望用細價股將自己既錢一變二、二變四咁再買樓、實為不少有心人利用作「吸水」之切入點。筆者搵聶sir教授的細價股班、一是授課內容比坊間詳盡很多而有心教授、二是同時教授怎下注碼才能賺價而又保在安全水平。對於讀者而家有錢就放哂係細價股既做法、相信本網無一個blogger會讚成。

2012年換澳幣收息又唔做對沖、此為輸錢之原因。到2015年有對沖但竟想透過買開放式基金去獲取A股的潛在升幅、這未免對基金的運作及收費未了解極繳。年青人不想再浪費時間兜圈,先要了解世界的投資物有不同特性、及獲得法門令「數口」變得精明一點、在剛接觸投資計劃後30秒便像收息同學一樣能判別當中有否投資價值。如筆者著作<收息論>所述,建議將投資物視為收息同賺價兩類、而按年齡及資產水平去做好資產分配。

另,供25年既保險是一敗筆,可能連讀者都未知當中有幾蝕底、夠膽在人工25K既情況下月供保單1萬,最開心應是該保單的經紀收傭金約為$84000。究竟讀者而家買樓緊要D?定係25年後有400-500萬緊要D?(仲要係預計….)

當然,錯誤的投資決定有屋企人買單,讀者買樓首期或由屋企人支付。可是人到50歲回望早年,此事應為人生其一「污點」。可能有不少朋友都唔認同筆者此想法、但筆者始終認為父母養大仔女已經付出很多(現時離婚率為⅓),仔女三十而立仍要靠資助買樓實有負雙親期望。真希望讀者得此教訓後好再長進、莫再重蹈覆轍。

25年保險無得攪,CUT單要蝕好多。細價股的錢應作重整,一半投放於做正常生意的績優股、而另一半才放回做另類生意的細價股。攪清楚咩係股票至好買。而基金亦唔係種種都值得買。除開放式基金外ETF是另一選擇、而上述兩者是有不同。證監都有話:「先求知後投資!」

另點解要買樓?伸延閱讀:買樓咁吃力,點解唔用錢去做自己鐘意既野?

明白讀者是很努力的、供6000保險、10000家用而月只儲3000、即自己每月洗費只約$4000-5000。

可惜知識不足、加上用力錯了方向,錯墮投資「陷井」而將血汗錢被保x經紀+x險公司及老千股莊家再加上「為您」基金經理以手續費為名將錢拎走。唉、當大家笑人地點解比一個電話就呃走一百幾十萬既時候、好應審視有冇西裝友用更溫馨手法將你既錢合法地日日呃走。

 

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: