理財信箱:買樓咁吃力,點解唔用錢去做自己鐘意既野 ?

諗sir,你好

我留意homeblogger時間唔長,但見你細心解答詳細分析唔同個案,希望你可以解答一下我個case. 我黎緊都會密切留意幾時有買樓001 course,可以跟你學下野!

本人將近27歲,公務員,月入23k
每月支出:家用8k,其他支出5k,儲蓄10k

女友將近27歲,公務員,月入20k
每月支出:家用10k,其他支出5k,儲蓄5k

兩人合共資產:現金HKD~100k,股票HKD~300k

我想問以現有資產有機會上車嗎?如果上車應最少有多少現金作首期其他費用?應選擇咩地區?

另外我女朋友幾年前同阿哥一齊申請左公屋(阿哥係戶主),我女朋友仲有個名o係個間公屋,請問係咪應該最快轉走個名?對上車有冇咩影響?同埋應唔應該利用公務員資格申請綠表買居屋?

我們希望可以盡快買到樓,應該點做?

問題比較多,希望諗sir能夠解答一下!感激萬分!

螞蟻與蟋蟀

答案

讀者挺有孝心,月入兩萬餘給予近萬元作家用,係香港算係咁架啦。當然你問讀者,最有孝心既舉動是放棄公務員工作,搵真銀返黎比媽咪享福。當然錢未必同幸福成正比,但在工作賣力及用心經歷肯定會豐富人生。假設讀者人工可以double,佢由而家至55歲人可搵到23000*2*27*12 = 14.9mil。打工仔成世人搵幾多錢是註定的,買樓可以令收入數目再增,因買樓做按揭擁有先借後還既概念、係現今銀紙會貶值既時勢下、早舉債務可讓時間令債務貶值。再重申通賬侵蝕窮人手上的金錢(購買力),同時亦侵蝕富人手上的債務。

若27歲決定「轉線行公屋」,麻煩在日後樓市上升,讀者享受唔到資產膨脹帶來次機遇,40歲到來發覺手上資產全無,個種感覺可以由本blog篩選一些個案而看到。由於讀者及女友收入穩定、不妨趁後生先完成一人一間樓,23000月入者可借23000*50%/10000*2.59 = 3.49mil。若因現時樓價過高而3.49mil唔夠買,可以一人名買樓而加女友做擔保人,上車之後還錢幾年再同銀行甩返擔保個名出黎,伺機買下一間。此舉是先辛苦後得到既個案,廿年過後自己同老婆間樓已供得七七八八,到時一間住一間收租,若有長俸或用自己現金做債基收12-15%年息那生活便起碼有保障。何況公務員唔要公屋,供樓好似有利息津貼,建議用政府福利換資產、而唔係依附係公屋。

當然讀者要買樓至少要一成首期(成世人未買過樓者仍可九成上會),以現今資金只有30萬、要努力再儲多1年。係明白了點解要買樓之後、讀者其實不應急於買樓。佢27歲仲後生、仲有大把時間去拖「死」將來舉下既債。男女友合力可儲15000,一年便是18萬,起首買間新界兩房有埋裝修係入面的,勉強可以做到。

有人話:「買樓咁吃力,點解唔用錢去做自己鐘意既野?」筆者自己的意見是要達成自己理想之前,先不要讓情況令家人擔心。買樓其實不只是自住的消費需要,更是運用了貨幣貶值之時代下懂得問銀行舉債可令自己儲蓄更快之道理,正是訓著都賺緊錢。筆者自己唔係地產經紀,無需要勸說人地買樓。但做事應該趁勢、不論呢幾年樓市升定跌、未來廿年大家都活在錢幣貶值既時代中,漢晉隋唐,滅亡之因都與過份稀釋錢幣內含值有關。今日可愛既BB可能40-50年後要面對世界戰爭,因貨幣系統到時行到晚期失效,打仗係最快將錢財重新分配既方法。所以筆者只會教你買樓,生唔生仔自行決擇。

至於買樓地區選擇、要學懂選擇區份之要旨。不應單從睇有咩基建,而是數字配合各區呎價走勢之反映。惟若用由上而下去看買樓,看貨幣系統是個marco-analysis,睇區份是個mirco-analysis。筆者認為初心者做好marco-analysis是為重要。微觀睇區為已是業主應作的下一步。於香港各家agent只說自己好既情況下,本站希望為大家提供更多客觀理財資訊。

 

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: