簡易入廚:Okonomiyaki お好み焼き

喺日本係幾時會食Okonomiyaki(お好み焼き)呢種日本煎餅嘅呢? 就我嘅經驗所得, 都係想同幾個朋友一邊飲下啤酒一邊吹下水嘅時候, 咪去okonomiyaki店囉。一般okonomiyaki店都係自己整煎餅, 要煎得好味又要一野將個大餅反轉另一面煎, 真係好考工夫, 亦係食煎餅最好玩嘅環節。除左去專門店食, 日本人又會攪d煎餅party, 叫d朋友去自己屋企玩下食下煎餅, 好似我地打邊爐錦。今次呢係見到blog友吳家吾居整左個煎餅, 我見到就多多意見, 又呢又路呀之呀jor, 所以呢吳太就聊我整返個囉。

我用上圖的蔬菜份量整左2個6寸煎餅。配料方面, 走唔甩椰菜絲、豬肉薄片同魷魚。不過其實除左椰菜係必用之外, 其他就隨個人喜好嘅姐, 正如其名, Okonomi-yaki即係將”自己鍾意(okonomi)”嘅配料low埋黎”煎(yaki)”。

粉漿方面呢, 用一隻蛋+日本鰹魚汁(濃縮)+水75g+麵粉。麵粉用幾多呢? 總之開到個粉漿有丁dur杰身不過拉起仲滴下滴下就ok, 好隨意。

準備好粉漿就加哂d蔬菜落去。(不過我就將洋蔥絲先炒一炒)

於易潔鑊裡加少少油, 先下肉(我冇薄肉片, 改用了免治肉)炒至近熟下了幾粒開邊蕃茄仔, 下蔬菜粉漿, 中火煎完一面, 反轉再煎另一面至熟, 過程中不可以用鑊鏟壓實煎餅。上碟加搽上sauce(日本炸豬扒醬汁另加點茄汁)+唧d奇妙醬+青海苔(我冇亦很少用到, 所以冇買)+鰹魚片。香噴噴! ok

朱太與你-我的煮飯日記
http://sandycookpad.hkblogcity.com/

%d bloggers like this: