簡易入廚:月見讚岐烏冬

月見烏冬很簡單, 就用按包裝煮好烏冬, 加入蔥花、薑蓉、日本芝麻、鰹魚汁少少(or塩)及蛋黃。ok, 趁熱食。

 

【有關烏冬】

香港流行的烏冬都係果d淋betbet煮好左真空包裝果種。其實好味嘅烏冬係要煙un彈牙有少少咸味。呢包就係一包唔錯嘅烏冬嘞。喺citysuper買的。我都有跟日本人學過手造烏冬, 麵粉仲要係喺日本專登運來的烏冬專用麵粉, 因為要造好嘅烏冬, 唔少得靚麵粉, 香港嘅麵粉質素不夠好造不到靚烏冬, 惟有去買現成的乾烏冬。

所謂「讚岐」(sanuki)其實係瀕日本瀨戶內海的香川縣內的一個地方。瀨戶內海一帶雨少, 自古出產優良小麥; 又近海, 亦取得優質嘅塩, 順理成章就能做出靚烏冬。所以讚岐遠近馳名。

 

【有關月見】

「月見」=賞月。日本菜式裡蓋上一個”如月亮一般的”生蛋黃的都叫「月見」, 聽上去比窩蛋牛肉飯的「窩蛋」有詩意。

 

【有關我的薑磨】

順便介紹埋的呢個喺日本買嘅薑磨(可能香港都有)。中間有釘釘, 最特別嘅係碟底有一圈矽膠, 等個碟chi住張枱, 就唔駛用左手大力hold住隻碟, 好方便。

 

朱太與你-我的煮飯日記
http://sandycookpad.hkblogcity.com/

%d bloggers like this: