梁隼睇新樓:自住恐怕唔夠住的利奧坊曉岸

政府一話要增加供應,除了增加地皮供應之外,發展商都好配合,就係將個單位有咁細間到咁細,既可減低入場費,又可以增加單位數目。又唔好以為市區先有劏房單位買,連元朗、洪水橋這些低密度住宅區都有,想買間大一點的,唯有買舊樓。

買這些新樓的人,有部份係父母買俾仔女的,美其名係幫仔女獨立,說穿了就係錢多無掟駛,又唔想俾雙倍印花稅,唯有用埋仔女個名去避稅。咁樣做其實都幫左政府一個大忙,就係間接降低剛性需求,因為未有本事買的都胡裡胡塗買了。

講番新樓介紹,恆地係大角咀收埋收埋唔少舊樓,終於都有個發展計劃走出來,就係發展一個前後四期發展,有商場有寫字樓有住宅的邁奧坊,第一期位於利得街的利奧坊曉岸最近就上載了樓書。

呢個盤有一棟大廈,卻分開為兩座,一共提供448個單位,兩座樓是相連又呈長形開則,一看看平面圖就有點似層相識,有人說像M巾,有人說是腰封,總之你覺得似乜就似乜。

利奧坊曉岸

開放式單位每層共有6個,面積為E室203呎、F室198呎及L室193呎,E室向北,景觀較開揚,F室向南,與奧城西岸面璧,L室面積最細不過位於單邊,隔離舊樓未重建前景觀都開揚,呢間房自住價值絕對係零,除了面積細之外,牆身貼近隔離K單位的企缸,隔離屋晚晚夜返沖涼就多得佢唔少。

一房單位有14個,面積為248-264呎,全部都是開放式廚房,間格也大致一樣。

兩房單位有2個,為每座的A室,面積為390呎!沒有寫錯,是390呎,比同系的城中匯還要細,不過比港灣豪庭的兩房單位大。

頂樓是相連單位,以為是過千呎豪宅?對不起,4個單位實用面積485-601呎,全層八個單位中只有兩個是三房單位,這算不算是最細的特式單位呢?

物業鄰近奧運站,地段價值就肯定高,不過鄰近好多恆基地盤待發展,景觀變數頗高,只有向北面向大同新邨的較有保証。這個樓盤都係買來投資較佳,自住恐怕好快唔夠住。

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: