理財信箱:買樓好?做基金好?定點好?

諗sir,你好。

夫妻二人70後,家庭月入六萬,因小朋友讀書問題,2013年賣出自住樓,現手持現金大約250萬,另加20萬股票,租樓支出約$14000,扣除家庭支出,每月儲蓄為$5000(未加現金之利息)。老公為長俸公務員,幾年後有買樓津貼,退休後大概有2百幾萬退休金,另加長俸。

有朋友介紹,冇風險基金,利息3厘至4厘。

不貪心,只求一生二宅,現在情況下,買樓好?做基金好?定點好?

另,本人MPF內有約55萬,用緊德盛安聯。聽聞(只係聽聞)宏利MPF的康健及中華威力回報好好,因自己供部分可自由動用,好不好轉MPF公司?

70後小婦人上

答案

謝謝讀者提問強積金、一個同很多人有關,但好少人討論既題目。其實不少人強積金中有可提取部份,若年近45,加上2000年「肥龍」(即當時許老爺) 牽頭成立至今已有不少人儲左半百萬係入面。若趁呢次升浪好好打理下或可賺多三成首期第日買多間樓。

讀者聽人講宏利MPF的中華威力回報好好,那筆者提供下link及下圖所見、發覺匯豐(智選)MPF提供的中國基金或更好、兩者同投於中港市場。中華威力年初至今升24%,匯豐(智選)升25%。更令筆者著眼的,是發現中華威力最強是「開支比率」那一欄、是眾MPF之選的首位,達2.07%。即每年無論賺定蝕,收你2.07%是「被保證」的。另外留意MPF報價較不頻繁(又或是AASTOCK取價唔夠密吧),所以上面的回報應是計到4月尾。

買樓好?做基金好?定點好?01

更有趣的是,中華威力基金是有零售版的,即宏利環球中華威力基金,下圖可見開支比率是1.68%,是MPF計劃內約8折、而基金回報計至5月尾升約18%,較低因5月跌市所累。此象令人有感MPF版同零售版的基金回報差異不大、不過MPF收費貴不少。你仲將錢放入去、最多謝你就係於中環返工的一群金融才俊。

買樓好?做基金好?定點好?02

睇睇往事,中華威力是宏利當年邀請謝清海先生團體攪既一隻基金、而謝清海先生早在92年,由私募基金型式成立VALUE PARTNER CLASSIC FUND( A CLASS)出發,逐漸演變至今的C CLASS,如今A CLASS同B CLASS已CLOSED,只C CLASS可買。呢隻可以說是令謝生同惠理「響朵」的一隻基金。

買樓好?做基金好?定點好?03

我們看看VALUE PARTNER CLASSIC FUND,年初至5月尾升23%,此同在上圖對比的HSBC CHINESE EQUITY FUND之20%強。另我們懂得門路用筆者手法比對、其實是可分析出什麼基金是抵買同應買的、唔係只聽人朋友講,總言之:「數字會說話。」當然數字不時偶有失誤、但比人在投資上的主觀判斷好。另每基金的annualized return, 價性比都是可知的。將全香港的基金放入黎比都可以。

另外看VALUE PARTNER CLASSIC FUND的十大持股、其實頭三位都是內地A股。若我們將A50中國基金基金(2823:HKG)之回報對比,發覺A50年初至今由$12.68升至前兩日的16.6水平、升幅約30%。即VALUE PARTNER都係靠A股食糊跑贏其他基金、咁點解唔直接買A50!? 若有人認為A50係「股票」好危險? 那真係要去了解咩係ETF咩先係股票。辛苦錢唔用心去投資、唔輸哂都被人呃哂。先求知後投資真係好正確!

筆者提及的債基方案都有用基金作構建,當然唔係就咁買基金等收息咁簡單。而箇中風險及出入市位、加上銷售人員不希望顧客知的秘訣大家要學懂。而債券類的基金仍會考慮用的原因、是大眾買債基本上一手都是近百萬(HKD)、而股票不是這回事。所以我們會選些收費合理的債券基金作收息。

至於樓的看法、建議先看<樓換樓>一書、答文千字、到此為止。留意投資要賺錢、一樣要下苦工。仲有提一提「無風險基金」,有「三至四厘」、其實好應再留意一下。

 

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: