理財信箱:公屋書生人窮志不窮

諗樣兄:

您好,小弟芳齡26,跟左諗樣兄約半年。覺得齋靠儲蓄買樓唔係辦法,所以想請教諗樣兄如何創造財富? 之前睇過諗樣兄講可以選擇月供股票, 咁我應該供多d月供股票 / 買人民幣抑或其他股資產品? 為準備上樓,真的不能承受太大風險。而小弟目標係28歲前搵間實用500呎嘅樓上車。

小弟知諗樣兄鍾情私樓,但我咁窮,屋企人又冇物業/資產支援,孤軍作戰下,白表居屋會唔會較好? 起碼呎價較相宜, 免按揭保險及俾私樓較貴的管理費。

有勞諗樣兄指點迷津小弟資料:- 與家人同住天水圍公屋,兩袖清風- 現有資產:$20萬現金 & 股票值 $65,000- 月薪 $21,000- 每月支出:家用 $4,000供股 $2,000進修 $3,000消費 $5,000儲蓄 $7,000- 進修約一年後完成,屆時可將 $3,000 成為儲蓄,儲蓄$10,000

公屋窮書生

黃大仙公屋

答案

白表居屋是較好選擇。政府已界定月入$21000人仕可抽白表居屋,既然政府為你提供防護網,為何不去一試呢? 另一方面,近年私樓價格已和港人工資越行越遠,如工資不高請不要勉強。至於目標為28歲買入私樓,獨力能達到已是不錯了,雖然施老闆都是三十幾歲才能置業的! 筆者不建議你為求達至上樓目標,行急進投資之法,最尾令自己一無所有。

讀者應該搵收入十分之一出來「學投資」,此為創造財富之先行步。不過請勿認為你第一年學投資就可創造財富。至於你問筆者應該供咩股好,筆者建議波動性較高的國企或紅籌為佳。由於你本少,供盈富基金根本賺左都唔覺,更不要說什麼儲匯豐股票了。睇開BLOG都知筆者是十分建議大家趁後生咩都試下投資的! 最緊要唔好借錢炒股。因為你借錢買樓就算睇錯市間樓蝕入肉,只要你KEEP住供樓銀行不輕易”CALL你MARGIN”(當然MARGIN一詞用在樓房借貸是不完全合適的),但如你運用margin開張期指,恆指一插間證券行幫你賣埋(即斬倉)都唔知,跌得深更要你補水,即補佢賣掉你倉d貨同佢收回的錢之間之差價。2008年花旗行不少金股匯客人被逼平倉,但樓房投資者則安全過渡。

至於你話自己咁窮,請不要妄自菲薄。只要堅持現有儲錢大計,每月已有$7000儲蓄,三年合共($7000*36=$252000),在新界區買樓已夠九成買樓首期。記緊先將儲蓄撥開到另一戶口,投資堅持用現有預算每月$2000進行,就當炒作全輸亦無妨,最緊要在投資得失後作檢討了解自己長短改善地方。齋靠儲蓄買樓是可行的、大部份人感慨此路不通,是因為過度消費,儲起金額不夠支付上車首期。近日筆者聽見旅行社用「一生只可豪一次」作招徠,六萬幾蚊去個歐洲團,消費絕對不是罪惡更促進經濟,問題係有人不衡量本身能力而過度消費,如令家人受罪更是罪過。所以你現時能將收入之1/3儲起,計埋家用更加將收入1/2儲起,算是不錯了。希望本文令你除去些少疑惑,令你認清前面什麼工作為主軸,什麼工作應著量增長,當然了解自己長處將收入倍增亦十分必要,筆者相信開源有益多於用力節流,太緊張將收入儲起,更會予人「孤寒」感覺,但認清「孤寒」同「豪洗」中間,是有很多空間的!

管理費是一個值得提的viewpoint,現時有些住宅收$2.9一呎管理費的。如果你選擇住入$1.3一呎,每月管理費差額加進按揭還款,已夠你再借大幾十萬,買一間景好又較優質之單位了! 貴買貴賣是真的!
 

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: