財經分析:錯過就是過錯

匯控呢隻沉睡既獅子最近終於訓醒,藉重組、遷冊等新聞炒番上去,兩三個交易日就追落後10個巴仙,然後又點呢?

匯控大概係廿幾年前,未遷冊果陣個logo係寫住Hong Kong Bank,之後就去香港化叫自己做HSBC,如今係外地發覺無運行,俾人罰錢罰到手軟,就即刻想起遷冊回歸,情況就好似有間本地曲奇餅店咁,之前專做自由行生意,不屑做本地人生意傳到街知巷聞,近期少左自由行就即刻話重視番本地人市場,生意有無起息就唔知,筆者只見網上被有青插爆,淪為笑柄!

同係遷冊,如果係幾年前,人地就會話匯控係重視中國市場,幫助香港經濟,依家人地唔話係痴人金糠已經好俾面,所以話時機係好重要的,唔適當時候做野,明明好事都變壞事!

好多講股佬都睇好匯豐回歸,甚至認為匯豐基本因素已改善,可以長線持有咁話。筆者唔係講股佬,只係講故佬,唔識分析股價走勢,只係認為匯控股價雖然殘到無朋友,但係PE比起內銀股高好多,如今匯控講遷冊都只係講下,但係阿爺就係咁幫內銀股打氣,減完存款準備金又傳會QE,大家都係有炒作理由,有得揀係咪應該揀隻平啲既呢?

作者網誌:http://www.ccomentary.com

遲來的招安

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: