理財信箱:樓價下跌要什麼?

本人38和太太35:共月入70K,現租住東涌自置兩房物業,租金供$12,000,現金約90萬。

本人和太太都在東涌工作,BB現由婆婆照頺,現希望搬近婆婆於大圍顯徑方便照顧未夠一歲的BB,最理想是找一間三房單位在附近以供本人、太太、母親、BB以及將來請工人照顧母親,亦需要方便每朝早將BB送往外家照顧,晚上帶回BB過夜,最好walkingdistance能將BB送到婆婆住處。

由於早年賣走物業一直見樓價上升到此都未曾買回,後悔不已。相問是否應再續下一張租約加到$13,500,或繼續頂貴租?每日又將小朋友由東涌送到大圍呢?或日日婆婆過黎都很勞心勞力,不忍見。

樓價下跌要什麼

答案

有一種人叫「傷租族」,泛指呢幾年間不斷租樓等價跌既人。筆者明白凡事有地心吸力,終有一日樓價會大跌,不過在此之前的付出、即等待之機會成本實在需要探索。

要樓價下跌,要等政府再出招?

其實政府已提及由2012年至今所推出的樓市逆周期措施乃是令樓市平穩的作法,辣招可推低樓價只係不少人一廂情願之想法。不過有件事係肯定的,就係出招會令參與香港樓市的人減少。每月住宅樓市成交由2008年初約12,000-16,000宗成交減低至2015年5,000-8,000宗成交一個月。係買賣兩閒的情況下,只需要更少既人就可以令該月成交金額定在高水平。若有平價盤拋售,只消幾天便即被市場吸納,這個情況很易被確證,只消你去地產鋪待上幾天就明白。

要樓價下跌,要等新增供應?

住宅供應可分為一手供應同二手供應。二手供應的實質樓字係測不準的,因你的有錢媽咪可能上晝飲完茶想間屋掛盤賣走、晚上又改變主意了。另外而家全港普遍缺盤、地產行家手上樓盤資料極珍貴不容分享,因此要查採一區入面有幾多二手供應同樣是近無可能。當然知道祥益地產是少有可掌握屯門近70%二手放盤資料的公司,因此筆者不時都會邀請老闆汪總訪問去深入了解樓市,惟祥益只在新界西紮根,要睇哂全港二手真係未有指標可示。

關於一手,運房局其實有數字提供,見下圖示(2014年12月報告),未來三年供應估計為74,000個。表面上睇,年均74,000/3=24666確實比之前4-5年9400-15,000個多了(見下棒型圖)。

樓價下跌要什麼02
2014年預計供應

樓價下跌要什麼01
棒型圖

可是估計還估計,筆者特意找來2011年同報告睇下當年估未來3-4年供應有幾多?見再下圖是62,000個。對比最尾2012-2014三年供應實積供應了多少?棒型圖是(10100+8300+15700)=34100
即詨差近一半(34100vs62,000),那相信政府既供應量去為自己計劃人生買樓大事,真係…..

樓價下跌要什麼03
2011當年預計供應

今日分析先講到呢度,讀者情況是人到中年冇樓在手、薄有儲蓄。與其捱貴租再等到無了期,解決方法都係由「傷租族」變身成「雙租族」,八成單名上會再買樓送比朋友住,再叫朋友幫你交另外新三房既租金。咁起碼樓市再升,讀者衰到極都係收番朋友間樓自己住,而現時三房要付的貴租可用自己淨有50萬,行債基方案收息去每月津貼。500,000*13%/12=$5,416/月,收回利息應可作大部份幫補。

 

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: