置業信箱:大西北,二揀一

大家好,本人24 year old,每月月入$30000人,與母親同住,家住屯門,母親現有38萬人民幣儲蓄。現月租$6300唐樓,由於環境複雜,酒吧聚集,希望再同媽媽買樓上車,諗sir,我初出茅廬,不懂買樓,但買了你的2本著作,想問現在你覺得我應該買屯門定元朗區樓宇好?元朗的尚城、原築好嗎?四百餘萬有交易。似乎合我預算…

定係買旺地點,在屯門較舊的屯門市中心或錦華花園?我可以借到錢買瓏門細單位嗎?

本人收入$30000

每月支出
$3000供養父母
$2000保險(5年)至2017年1月完
儲蓄。$800信用卡分期至2015年12月底完

$90000現金$5000個人消費
$300000定期存款

答案

先分析下屯門還是元朗的樓那處適合讀者,以讀者的家庭狀況,揀樓要考慮升值潛力之餘,都要方便自己同伯母,先比較下屯門同元朗區,讀者現時都住係屯門區,買樓買番屯門當然較容易適應,另外就要睇下買野同搭車邊個區方便一點,屯門同元朗都有兩個西鐵站,另有輕鐵作為接駁,由於輕鐵駁西鐵的話,輕鐵車程係免費的。屯門區有好多線輕鐵,元朗區只係得元朗沿青山公路、大馬路和天水圍有輕鐵覆蓋,所以屯門既鐵路覆蓋係比元朗優勝。

買野黎講,屯門除左屯門市中心之外,各個住宅區域都有大小商店,足以應付生活所需,買餸都唔需要走去市中心去買,元朗情況就差得遠,好似新入伙既屋苑除左YOHO TOWN有個大商場之外,好多都係純住宅,要買野就要行幾分鐘去附近市集去買,例如尚悅、原築,行去最近既商店起碼行十幾分鐘先到,都幾唔方便。

另外元朗最大問題係,過去十幾年有十幾廿萬人搬左入去,但係買野既地方除左YOHO TOWN商場同新元朗中心之外,就只有大馬路一帶,最近幾年仲多左內地一簽多行既人去元朗買野,結果唔駛講就係唔好住啦。

所以筆者會建議讀者留意番屯門區既物業,以讀者四百餘萬的預算,係屯門區不愁買唔到好野,屯門各個區域之中,筆者會介紹屯門碼頭同埋虎地的屋苑,屯門碼頭果邊本身有海翠坊同埋蝴蝶邨商場,又傳聞西鐵線會係屯門碼頭區加設屯門南站,就算現時無西鐵站,坐(迫)幾個站輕鐵都可以免費駁西鐵,屯門碼頭區的巴士小巴網絡都好多選擇,即係話購物交通都同樣方便,又好住又有潛力。

如果讀者嫌碼頭區都升左好多,就可以留意下虎地果邊,疊茵庭同聚康山莊都算係幾新淨既屋苑,雖然兩個屋苑都係無商場,不過附近就有個富泰邨,都可以買到日常所需,想坐西鐵就可以行去對面馬路既兆康站,唯一缺點就係無輕鐵覆蓋,所以就爭左少少。

其他地區之中,屯門市中心就太過旺,又多自由行買野,有晒商業價值但係唔好住。屯門西部就欠缺發展又多公營房屋,買野方便但欠缺升值潛力,屯門東部都係受制社區發展空間有限而好難升值。

不過讀者積蓄加埋都係得幾十萬,如果想買四百萬樓要做九成按揭,加埋律師費、厘印之後淨番唔多儲備,如果間屋要翻新裝修就更加所剩無幾,除非現時真係有需要買樓,否則讀者都係觀望多一兩年,再儲多點錢先再計劃買樓,咁樣會安全一點。

大西北二揀一

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: