梁隼樓評:同人有仇呀,叫佢買綠置居啦!

政府為左幫普羅大眾上車成為業主,除左重推居屋之外再加多樣綠置居既東西,即係將原本用黎做公屋單位既賣俾綠表客,選址仲要唔可以太差,售價又唔可以太貴,真係難為了家嫂。

另一方面代表買方,即係一眾綠表人士既團體又係度阿之阿左,又話單位太少,又要市價四折,咁又無他既,公屋住戶係大票倉來的,梗係要討老細歡心。

租住公屋的話又唔駛交差餉、地稅同埋管理費,仲有日後的維修開支,但係買左就唔同,上述三個費用要自付就唔在講,仲要包埋公家地方既維修同開支。正所謂一分錢一分貨,公屋用料同質素有幾好就係人都知,買間屋預左日後累積大量維修開支,又係一個人出雞你出豉油,點豉油都點到窮既例子。

成日都聽人講:你同邊個有仇既話就叫佢搞飲食啦,背後原因係飲食行業識做就發達,唔識做就蝕死,依家睇黎同人有仇,佢又有綠表資格既話,就可以推佢去買綠置居。

 

作者網誌:http://www.ccomentary.com

綠置居地盤

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: