梁隼樓評:避免買將近維修的物業

筆者多年前都在《上車置業全攻略》一書中叫人買維修緊既樓,貪其唔駛夾錢維修又可以受益未來硬件改善左而升值,留意係維修緊,即上手業主已找數的樓,而唔係就黎維修等找數的樓,千祈唔好撈亂!

最近就有單新聞,沙田老牌屋苑穗禾苑,最近傳出維修費報價高達四億幾,搞到居民齊聲抗議,懷疑有圍標之嫌。

報價係點筆者無細心研究過,成三十幾年樓黎講,隨時成棟樓所有野都要換過晒,除非個業主立案法團好有錢,否則一人夾幾萬又其實唔係好過份。

筆者唔係話幫住承辦商,只係想講下發展商成日口口聲聲話建築成本升左好多係事實,以自住樓黎講,以前要大執間四百呎單位,十幾萬就落到樓,依家廿幾萬都係基本消費,當然對好多小業主黎講,裝修唔係日常生活,又點會知道個價升左咁多!

所以話依家焗買二手樓上車都要留意唔好買準備維修或者就黎三十年樓齡既樓,否則真係點豉油都點死。

 

作者網誌:http://www.ccomentary.com

避免買將近維修的物業

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: