家居佈置:如何選擇木地板

除左買新樓之外,買舊樓住就要考慮裝修問題,地板都係一個重要的課題。

簡單講,用木地板冬天時就無咁凍,但係地磚就耐用一點,平的可以用膠地板,富貴的可以用地氈甚至石材,各適其式。

木地板主要分兩大類:

1. 實木地板

常見有柚木、橡木、松木、樺木、楓木等,最典型的是以前的「六條一丁方」的細條柚木板(見圖)。

柚木地板

呢類地板算係較易打理,用水拖又得,打地蠟又得,不過缺點係一經大水濕過,就發黑。

2. 複合地板

顧名思意,是用不同物料組合而成,包括木皮、水松和中纖板,並且加硬了表面,所以無需要車磨。

由於是以榫位接合,沒有縫隙,所以又稱為「無縫地板」。

好處是避免了實木地板會熱脹冷縮及變形的缺點,唔好處就正是不可以車磨。

長條木地板

尤其是一些新樓附送的的長條木板,爛左或者變色,除左更換都無乜辦法。

如果夾硬叫人車,會發覺表層受損後,就會露出另一種顏色。

呢個時候,塊地板已經total loss,certified!

屋企就係有塊地板比個手提電腦撞花左,留下一條黑色的底木痕,完全無計可施,吹脹!

 

%d bloggers like this: