社會動態:中央開口要求港富商表態的玄機

數天前,新華社發表英文署名文章:”HK tycoons reluctant to take side amid Occupy turmoil”,批評很多本港富豪在佔領行動爆發以來,一直保持沉默,至今都無表明立場反對。

新華社文章指出,國家主席習近平在北京上月接見本港工商及專業界訪京團時,曾要求本港富豪團結一致,支持中央及行政長官,共創香港更好未來,但至今只有政協副主席董建華,公開反對佔領行動。長實主席李嘉誠亦只呼籲示威學生回家,並無表明是否支持學生的訴求。

文章也點名指恒基主席李兆基、嘉里主席郭鶴年及九倉主席吳光正等,至今一直保持沉默,未有表態。

港人見到這類文章,第一時間就係跳出來,指阿爺高壓,威脅有錢佬,又講,你睇,有錢佬都無自由,所以我地就行動,重奪自由,等等等等。

噤阿爺,又點解會出一編噤白的文章,去指責有錢佬巨富唔表明反佔中?

答案好明顯,就係有錢佬中,真係有人係支持佔中的。

好多人以為,香港政府係同地產霸權串通,所以只要打倒香港政府,就係一併打倒地產霸權。

但其實,地產霸權財閥,係唔鍾意一個會打擊地產商的政府與特首。地產霸權財財閥同政府,根本係一個暗裡敵對關係。

結果,大家就睇到,有小有錢佬出聲,要求特首下台,以解決佔中。

當然,小有錢佬,只係一個代表,代表部份財閥,打出倒梁第一槍,以制做事實。同時,大財閥又會用他們的方法,同中央溝通,極力向上陳情,要求中央考慮換人,以平息佔中運動。

結果就係,阿爺唔想聽,就出張通告,叫大家唔好再提換人一事。時間上,係完全回應返小有錢佬換人要求的。

香港地好多人,連政府同地產霸權財閥係兩個個體,都分唔開,也難怪,政府同佔中人仕,多次對話開會都毫無進展了。

田北俊

%d bloggers like this: