尾市黃金十分鐘:連續兩日跌300點以上

尾市黃金十分鐘23

據經紀行業的慣例,若大市連續兩日跌300點以上,大經紀行老闆就叫夥計開會,叫各個部門阿頭睇住旗下客戶的風險,睇完的結果自然是追孖展,一般情況下,會導致不少莊家股於尾市大插,因為追孖展當日最後限期自然是收市前十數分鐘,若客戶仍未補倉,便惟有為其「斬倉」。倘自己持有的屬莊家股,那麼即使手上資金充裕,也必須留意,以免殃反池魚。

如果大家唔識分自己渣的是不是莊家股的話,只要想一想,若在過去幾個月以倍升的細價股,市值細、業績差但股價卻大升特升,十隻有九隻都係莊家股,沒有莊家係唔會升咁「狼」。

莊家炒股,除了自己做莊,左手交右手,做大成交之外,還會搵一批「幫莊」,有不少是「大陸水」,莊家話俾這些人知自己為哪隻股做緊莊,準備大炒特炒,叫這些有興趣的人入局,接一大手貨,幫手炒高隻股,這些人就叫做「幫莊」,「幫莊」好可能把股票拿去經紀行再按,借多些錢來加注。如今遇上跌浪,經紀行隨時狂Call孖展,莊家唔死,「幫莊」都好可能被挾死。

以往股市大跌,某些莊家股還可以「頂住頂住」,早上跌完,下午即刻反彈,尾市十分鐘反彈更最醒神,因為莊家也大多會將股票在經紀行再按借錢,每日市值以收市價計算,跌得多同樣會要補孖展,故此尾市才出手「頂一頂」,以免當日要補孖展,又或可以藉此減少補孖展金額,保留實力。

富昌金融集團聯席董事 麥振威

 

節錄自《尾市黃金10分鐘》

尾市黃金十分鐘

 

quants免費程式交易講座

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: