理財知識:理性主導的理財策略

耐不耐就有人訴說儲不到首期買樓,又或者加人工永遠追不上通脹,年輕人好像只要屋企人不支付首期就不用想買樓。

之前都有幾篇文是講儲蓄,大家照著來做多多少少都會有些得著。甚麼是「理性」,甚麼是「感性」?之前寫過一篇「感性消費」指出:「消費時『買』定『唔買』,取決的許多時是主觀的喜惡,多於實際用途。」今次想講的是「理性主導」。

見到樓價上升,又聽到身邊人買樓賺錢,自己就感性地覺得自己「應該」買到,但又主觀地覺得自己「應該」買唔到,都不能夠稱得上是「理性主導」。那麼怎樣理性主導地分析呢?大家知道,就算有人贈送首期,供樓都要一萬幾千,那麼在想儲到足夠首期之前,應該想辦法令到自己一個月可以儲到一萬幾千。方法離不開開源節流,想辦法增加收入以及節省無謂的開支,前文都有講。

後生仔可以試下到銀行,做一個「月供股票」的計劃,例如月供一萬儲823(領匯),如果月供一萬都做唔到,咁送首期你都供唔起。月供3 年,即是36期,不升不跌加上股息都有近40萬,勉強夠首期做九成按揭。823 亦highly correlate with 樓市。一對couple,咁樣儲錢法,三年就有首期有裝修,有機會上車了!

選擇物業如果真係純粹求一個家,可以選擇市區二手居屋;要住新樓可考慮屯門元朗,380萬采葉庭、原築都得揀。你要呢個時候買,咪咁上下選擇。硬係要看港島區,又或者大型藍籌屋苑,就不能夠算是理性。

理性主導

 

買樓,就諗下點買;租,就諗下點樣用其他方法財富增值到不怕交租。好似頭先月供股票個case,當你真係租足十年樓,但同時你都供左百幾萬823,連埋升值股息,2球都應該走唔甩,到時一樣可以達成買樓的夢想。例如200萬首期,買股票收息都收了3-4%,每年增值8% 都好保守,一年都16萬,幾乎夠交租。但就留左2 球在手,any time 有其他機會,等兩年,可能一個機會就執一百幾十,進可攻退可守。

但當然,如果是無錢的人,咁就一定上車先,避免交租俾人點乾。道理同踢波一樣:人腳一般,就踢901;好d,就穩守突擊;再好d,先至進攻足球。上車買樓就是901,最多穩守突擊。

買不買樓,是一個人生策略,應該尋求理性主導的財務策略,而不是樓升樓跌都哭樓喪,年年都大叫買唔到樓,但係乜都唔做。

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: