實地睇樓:《一路向北睇樓記 第一集》 粉嶺 花都廣場 : 九龍人話好鬼遠!

《一路向北睇樓記 第一集》 粉嶺 花都廣場 : 九龍人話好鬼遠!
Primo Yip (樓市及家居設計專欄作者) + Ann Wong (樓評專欄 , 上車書作者)

朋友睇樓報告講「花都廣場」,真係咁啱得咁蹺,我本新書又會提到佢喎!事緣當年 King Sir 上車的時候,正正就係買呢個盤,當年 King Sir 都係一個冇乜首期的年青人,呢個盤啱啱推出,不但提供二按,等佢可以用一成首期上車,仲送埋全屋裝修、傢私,拖個喼入去就住得。呢個盤今時今日呎價同總價都唔貴,仲有會所設施,啱晒間中要返大陸做嘢的上車族。投資角度睇… by Anthony Chung

一路向北睇樓記01A

星期日放假,我(Ann Wong, 置業書作者) + Primo Yip (樓市專欄作者) 和 cMoneyHome 同學仔去咗粉嶺睇住宅樓! 住九龍觀塘的同學仔話好鬼遠。

粉嶺站附近其實有277x 到九龍灣大約25-30分鐘(冇交通意外或塞車)。同學仔搭港鐵由觀塘出發用咗約75分鐘先到粉嶺站,所以話好偏僻。哈! 下次搭巴士LOL

一路向北睇樓記01B

Ann Wong : 粉嶺有大約30多個個不同類別的屋苑,當中包括花都廣場、粉嶺名都、粉嶺中心、牽晴間、碧湖花園等,

而今日我哋會睇花都廣場。

一路向北睇樓記01C

一路向北睇樓記01D

地址:粉嶺百和路88號
落成:1995年
發展商:恒地及華懋

Ann Wong : 花都廣場於1995年落成,前身為田心臨時房屋區,是粉嶺南第二個落成的大型私人屋苑,發展商為恆基兆業地產和華懋集團。

一路向北睇樓記01E

Primo Yip : 從粉嶺鐡路站出發,一出鐡路站左轉有蓋天橋,再左轉入有蓋行人路,步行左約1分鐘,見到有巴士站,巴士可到達花都廣場附近。我地記錄左巴士路線號碼後,繼續沿著有蓋行人路步行,見到有公園、足球場。我地步行了約9分鐘,到了百和路與一鳴路十字路口,我地過對面馬路。

一路向北睇樓記01F

Primo Yip : 到了華明路後,花都廣場出現在我地前方不遠處,外牆算新淨。我地沿著露天行人路步行約5分鐘,終於到了花都廣場。我地見到花都廣場地下有購物廣場,當中有大約十間食肆,包括酒樓,而二樓有個大型停車場及室內單車停泊處,花都廣場公共設施齊備,毗鄰大型巴士總站、郵政局、體育館、街市等。

一路向北睇樓記01G

Ann Wong : 花都廣場共建有10幢樓高36層的住宅樓宇,提供2710個住宅單位。花都廣場設有大型會所,設施包括健身室、網球場、兒童遊樂場、泳池、壁球室及蒸氣浴室等。

一路向北睇樓記01H

Primo Yip : 我地去左樓下多間地產代理,見到花都廣場的上車盤,實尺370,最近成交290萬,現時300萬放賣盤約少於5個,而同類型單位可放租每月約8500元。(2014年5月)

自住指數 : 4 (空氣好,有人迫人)(港鐵附近有自由人,但俾上水少好多)
投資指數 : 2
交通指數 : 2
抵買指數 : 2
茶餐廳指數 : $29一個茶餐 (旺角都係$24)

<總的來說>
Primo Yip : 花都廣場環境清幽,有新單車徑啟用,自住可以考慮。如果從投資角度,回報率約3厘半,該地區暫時沒特別前景概念,投資就要認真諗諗,不算好。

Ann Wong : 筆者住過九龍灣、觀塘、銅鑼灣、旺角、牛池灣…今次入到粉嶺第一 feel 是空氣爽爆。但在投資角度來說,粉嶺不及上水是北區商業重心區。同時又冇大型大面積商業物業,可重新發展空間有限。 但又因為咁,好多小店小創業家可以有位生存,不是千篇一律的商店。

 

Primo Yip 的 Facebook : https://www.facebook.com/primoyip

Ann Wong 的 Facebook : https://www.facebook.com/hk.annwong

我們會繼續努力寫文,請給個 Like 以示鼓勵好嗎! 謝謝喔你,祝生活愉快!!

原汁原味的cMoneyHome內容在這裡>>

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: