我係彈卜媽:產婦文化

彈卜媽03

我係彈卜媽-第三篇:產婦文化

香港係東南亞地區的大熔爐,在我生第二胎在政府醫院的產房已感受到。一個六人房內,有倆個香港人(包括自己)、一個印度人、一個南亞人、倆個中國人。亦因為咁,令我發現各地的產婦在生產後有不同的趣事。

首先香港人會對住BB日以繼夜咁細細聲同溫柔地講話:「BB,你食飽飽未呀。BB, 你眼瞓呀?BB,你…BB…BB…」媽媽的煩音就是由嗰一刻訓練出來的。

那個印度人就不停用強而有力的聲線、快速和連珠炮發的方式講電話,向電話的另一方投訴(包括老公、媽媽、朋友)。然後探病時間就連同家人一齊挑戰醫生同護士的專業問「點解你們要…?點解你們唔…?我們係…」安靜時間只有等佢電話無電要叉電時,才可擁有。

到了另一個中國人就會不停要求護士們幫手湊B。同護士講:「我好眼瞓,我好攰,你們幫我湊,餵奶。唔得?點解?我們向大陸,月子都幫我們湊同埋餵奶啦!點解你們唔得?…」無論護士們點樣解釋個BB係佢自己,BB係需要媽媽的照顧等等。佢仍然不停對不同的護士提出相同的要求,試完一個又一個。而探病時間亦對家人投訴護士離譜、無幫忙。要返屋企,好攰要瞓覺,等月子餵奶、湊B。其餘時間,亦不是湊B,而是主力同另外中國人傾計同埋用語音wechat。

之於最靜同默默耕耘便是那個南亞人。除了醫生同護士問問題,佢普遍都唔多出聲,全程只有默默地照顧BB。見到有人路過,便投以點點笑容。真是值得敬佩!

所以在同一時間可以睇到咁多不同的產婦態度,真是唯獨香港公立醫院先有!

%d bloggers like this: