我係彈卜媽:彈彈、卜卜

彈卜媽01

我係彈卜媽-第一篇:彈彈、卜卜

彈彈和卜卜係我大女和小女的乳名。每次介紹佢地,人人都好奇地問來源。又係嘅,正常都改個英文名或者細b、大b。不過改個怪名,有好處,就是其他人深刻d,通常都記得。

其實倆個名來源好簡單,都係佢地仲係響我肚而照超聲波改嘅。

大女(彈彈):度頸皮嗰日,姑娘用咗15分鍾都度唔到。因為大女用咗呢段時間張我的胎盆變成滑梯,不停彈上去然後冼落黎。最後姑娘放棄:「夠了,呢個BB太活躍嘞。停15分鐘,等佢跳攰再度。媽咪,你係咪近期睇得奧運跳水太多?」心諗,呢個女又幾攪鬼。

小女(卜卜):第一次見婦科醫生同照聲波,醫生即話:「你們有無再遲d先睇,有哂心跳,見到手腳啦喎,成10週先發現?又唔係第一胎!」當時乜都無理,只係陶醉響小女強而有力的卜卜、卜卜心跳聲。

%d bloggers like this: