生活點滴:聚沙成塔

savinghabit

話說小弟一向係一個敗家仔,唔覺意洗大左的程度相當驚人,亦沒有儲蓄習慣,搵多越多洗得越多,惡習難清。

去年聖誕節,大抽獎抽到一個豬仔錢箱,就有一個諗法係將每日褲袋的10蚊及5蚊大餅儲起,睇下一年落黎可以剩到幾多。

今日心血來潮點一點算,原來兩個多月黎已經儲左有七舊幾,如果保持呢個速度,咁一年都分分鐘儲到三千幾四千銀,夠換一部手機或者去台灣走一轉。

或者而家的信用卡或者分期消費實在太流行了,儘管我們不像美國佬咁大花筒,但唔多唔少已經習慣了一定程度的先洗未來錢,過去學生年代唔食lunch儲錢買野的踏實模式已不復在n年。

今次的經驗,又提醒番自己一個簡單道理,要剩到錢,真係未必係咁艱難,一天十元八塊咁積聚,原來已經可以聚沙成塔。

%d bloggers like this: