理財知識:投資點樣做功課

今天的美果

背後的肥料就是血與淚

小弟自預科起留意股場變化

至大學時代開始小注實戰

工作後則全情投入

以下是本人平日所作的「功課」:

  1. 閱讀網上財經版,黃國英,曾淵倉及案內人隨筆的專欄乃必看之選,主要論及揀股及炒股之心法,等如每天練內功
  2. 閱讀網上《成報》港聞及國際新聞,夠簡單及較少誇張報導
  3. 《壹週刊》,BOOK A & B全部睇晒,入面好多人物專訪(包括歌星填詞人等)會擴闊你諗野的空間。間唔中會有D出色的專題,如講下旺昆超超之類如何魚肉小股民,咁你自然知所走避。特別一定會睇幾次既係東尼、張五常及肥佬黎的專欄
  4. 星期六《每週財經》,又係一字不漏,呢本奇書由時事國際炒股外匯樓市花邊奇趣無所不談,係踏入「八奇思考領域」的重要教材(可惜現已無得睇)
  5. 各大人氣財經新聞組及blog,旨在感受大市氣氛及觀看一眾高手言論以作偷師
  6. 其餘有益書藉雜誌如信報月刊

股場乃搵銀之地,所有聰明才智人仕都會互相角力,故一定要縱觀全局,認清大方向才能立於不敗之地。

如戰場上,由補給、計劃、練兵、行軍、臨敵、肉搏等等,每一環都層層相扣。假使間只聽消息或專欄貼士作買賣基準,則十條命都唔夠屎。

小弟的功課,偏向練內功心法,多於短線炒買。

小弟常舉的例子,一個硬幣可以連開十次公或廿次字,但如果擲一萬次,則機率會趨向50%。個別股票短期的表演無得估,但行業或經濟週期大浪比較易捉。我希望做到的是,避開無謂的買賣,提高命中機率,同時減少錯誤買賣的損失,從而去到「長賭必勝」之境。

一朝發達,非我所願及能力所及。

homework

 

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: