梁隼樓評:用市場反應否定減辣的需要

3D辣招已實行了一段時間,原來仲未俾立法會通過,於是相關人士包括經紀、裝修工人,為民請命的立法會議員提出減辣甚至撤招的訴求。

當初設立3D辣招都係希望透過從需求管理去調控樓價,即係話只要需求可以受控制,咪有機會減辣囉,要知道需求係唔係受控,就要到市場上睇下。

最近有兩個新盤開售,元朗的一個單位細lump sum都細,開放式單位兩球半就買到,另一個荃灣盤又有九成按又打折,四球多可買到兩房單位。結果,元朗盤加推又加推,開放式單位仲要加價,荃灣盤兩房單位賣得最快,加推又係要加價。

市場就係實在地告訴你,香港地大把錢,五球以下的單位仍然好賣得,大眾覺得新樓貼二手價賣只係筍價而唔係劈價,咁既反應,點敢減辣呀。

延伸閱讀:

http://hk.finance.yahoo.com/blogs/tokuhon/

用市場反應否定減辣的需要

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: