實地睇樓:大嶼山不宜開發山坡

大嶼山山坡

http://www.28hse.com/news/20140213/21044/

林奮強似乎對大嶼山抱有好大期望,係公開場合或發表文章不下一次表達佢對大嶼山既願景,最近佢就係電視新聞訪問中表達大嶼山可以將郊野公園改變用途,只要將D野起得環保一點,效益仲大過保留一塊草地咁話。

對於改變郊野公園土地用途,筆者曾指出呢個係不能也非不為也,因為郊野公園地大多難以開發,就算開發都要較高成本,可以咁講,唔到最後一刻都唔會打郊野公園地皮主意啦。

不過政府有的是決心、技術和金錢,香港可以使用的土地越黎越少,動用林奮強認為無乜人去既大嶼山郊野公園都不失為無辦法中的好辦法,之不過創業難守業更難,開墾完的維護才是最大挑戰,而大嶼山的土地就應該有呢個日後維護上的風險。

唔知大家有無坐過昂坪360上大佛參觀,沿途除左青蔥山景之外,都不難發現個山會有好多一忽忽山泥傾瀉的痕跡,電視上政府宣傳片成日話胡亂(即係非法)開墾土地會導致山泥傾瀉,但係大嶼山應該無乜人會走去墾,假如大幅度開墾的話,會唔會加劇山泥傾瀉程度就難講了。

大嶼山沖溝

與其移山不如填海,早前施政報告已經有計劃在大嶼山東部起人工島,而筆者在大嶼山寓言一文中也建議在銀鑛灣同愉景灣之間大幅度填海連接附近島嶼,加上政府早前有意在大嶼山北部填海,如果全部實行都應該提供了大量地皮供發展。

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: