梁隼睇新樓:爾巒環境睇真D

位於錦田沙浦村既爾巒已開放示範單位,不過就遲遲未開價,有傳上星期五會開價,不這到今日都未有價單,好似好神秘咁。

我地坐西鐵過左錦上路站,去元朗途中就見到爾巒既位置,如果坐巴士就只有76K經過,另外仲有紅VAN綠VAN等交通。不過距離西鐵站就遠一點,由錦上路站行過去要五個字,由元朗站行去都要差唔多時間。

當然,發展商以高級豪宅作包裝,買得起果度的都會自駕出入吧,可能呢個原因,係大欖隧路好多banner提醒司機點去爾巒的。

咁話得上係豪宅,都應該具備幾樣條件,內在條件就係單位間格,用料,管理等,外在條件就係地段、景觀、無厭惡性設施等。

既然發展商一心打造爾巒為豪宅盤,內在條件一定交足貨,那麼外在條件如何,我地一齊睇真D。

IMG_7415

成個錦田都係大平原,附近住宅都係鄉村式三層樓高,呢度突然起幾座十幾廿層高既大廈,直情係鶴立雞群。

IMG_7416

在河的對岸,爾巒2期都開始動工,大家有無留意,點解個地盤咁接近高壓電纜既?而前面的河咁反光,實地睇過,都幾多淤泥同埋幾大陣味。

IMG_7421

返黎爾巒呢邊,呢幅圖可以表達爾巒的鄰居分別為高壓電纜、西鐵線同埋岩岩提及既_河。

IMG_7426

呢幅圖介紹多一位爾巒既鄰居,就係青山公路。

IMG_7428

題外話,附近南生圍同甩州都申請緊起住宅,如果成事,成個新界西北都有大變化。

延伸閱讀:
http://hk.finance.yahoo.com/blogs/tokuhon/新盤元朗爾巒知多少-010002835.html

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: