生活點滴:懂得消費也是一種行為藝術

性價比

 

我地好多時投資都會諗呢樣野買得抵唔抵,買左有無得賺錢,因為投資目的就係賺錢,所以目標就好清晰,唔平唔買,無賺唔買。

不過係一般消費活動入面,由於消費品可以帶俾我地其他目的,例如晒命,有需要,或者換其他野(例如送野俾女神搏好感),我地就會被忘記買的東西抵唔抵買,買左有無用,再過份點,買左可唔可以賣番出去。

消費黎講,好難話買件野等升值再賣出去,除非你買LV,都可以搏歐羅升值令到新貨隨匯率加價,從而令到二手價無蝕得咁多,先叫做可以搏到少少升值,所以係消費角度,只要買到襟用(使用時間長)或效能好,已算是清明消費了。當然,好似LV手袋咁可以用完再套現的,就錦上添花啦。

學術一點去講,就係買名牌都要買性價比高的牌子,即係性能(performance)同價格上既比例關係,例如兩個牌子的polo shirt,一間就賣1000蚊一件,一間就賣100蚊件,1000蚊果年可以著兩三年都見得人,100蚊件就著個零月已經好殘同埋披晒口,咁就可以話1000蚊果件性價比高一點,因為買件100蚊的,兩三年可能要買兩打都唔夠著,即係總開支高過一次過買件1000蚊的。
當然用乜野黎做性能既量度單位就因人而異,有人可能會認為我著某牌子衫才溝倒女,其他牌子就不能去評核,這是沒錯的,因為那人目標只係溝女而唔係精明消費,但係如果用精明消費做人生目標的話,所謂性能就只有三樣野:

襟用嗎?
好用嗎?
賣出去值幾錢?

又用番LV手袋做例子,LV手袋本身係以襟用聞名,又有全球保養,壞左條拉鏈都可以拎回公司整,如果唔係粗用而KEEP倒新淨的話,仲可以賣俾二手店套番筆錢,無論用上段三樣野是但一樣做性能準則就可以得到好高性價比,所以見倒人用LV,唔好話人家係名牌奴隸呀!

 

作者網誌:http://www.ccomentary.com

%d bloggers like this: