通識教室:甲午年必有戰事?

好多運程書講今年的國家局勢都隱喻有戰爭之意,而事實上日本政府有點咄咄迫人的感覺,先有首相安倍晉三參拜靖國神社,後有官員發表有關慰安婦言論觸怒多國,再有日本官員多次聲稱中國戰機飛近釣魚臺上空都迫降等。

而又咁岩今年係中國曆法中的甲午年,對上兩個甲午年都有大小規模的戰事,包括1954年的金門砲戰同埋1894年的日午戰爭,莫非每遇到甲午年,中國真的無可避免要打仗?

筆者翻查一下維基網頁入面自公元0年起計的甲午年作一個小統計,至今共有17個甲午年在中國國土範圍內有戰事或起義發生,當中又有不少戰事唔係單獨發生在該甲午年,先講個遠少少的例子,公元214年,馬超向張魯借兵打祈山,可惜被夏候淵打敗,其後劉備大軍殺入成都,迫劉璋退位,不過熟讀歷史都知214前中國都打左廿幾年仗(自189年黃巾之亂起計)。

另一例子為唐朝時期的天寶戰爭,呢場戰爭由751年打到754(甲午)年,而近代也有1654年鄭成功攻打漳州之前都起兵數十次起圖恢愎明朝江山,後來1774年王倫在壽張民變之前都試過好幾次起義,因此呢17次甲午年有戰事中,好多場事件都係前幾年已開始,伸延到甲午年而已,由甲午年開始戰事的,真的只有近代的中日甲午之戰同埋1954年的金門炮戰。

因此強行推說甲午年因乜乜物物,就容易擦搶走火之說甚為牽強,而且現代科技令到武器水平提升到非常高層次,即係殺傷力非同少可,兩國間的磨擦都係口舌之爭,打仗就留番係遊戲機入面模疑下就算了。

日清戰爭

 

作者網誌:http://www.ccomentary.com

%d bloggers like this: