社會動態:香港都有個橫琴島就好了

珠江口

 

政府上星期話搵到152幅地可以改為住宅地,誓要meet倒每年4.7萬個單位的建屋目標咁話。

去年都曾經有過類似公佈,結果就笑死人,搵出來的地,有位於公園,有位於天橋底,唔好話改用途批唔批到,果部份地起唔起到住倒人的樓都係一個大問題。

相信經此役後,政府學乖了,呢152幅地應該是可以起到樓的,中長期又有新界東北,洪水橋,甚至人工島計劃,要實踐中長期土地供應理論上無難度。

不過現實情況就好唔樂觀,環保評估,生態評估,改變用途,樣樣野都要經過冗長既程序完成,好似港珠澳大橋突然殺出個婆婆出黎打下官司,成件事甚至可以無限期擱置。所以有心搵到咁多塊地係好,但係依賴呢堆地去起住宅增加供應都好唔可靠。

參考鄰近地區,即澳門,唔夠地就同毗鄰橫琴島借地,只要借來的地方都係實行澳門法律,就唔會有移民國內的感覺。

香港又能否參考澳門和珠海的合作模式?答案是可以不過並不是與深圳來個深港融合,理由只得一個,就係深圳本身都唔夠地,城市擴容都開始打惠州主意。

咁香港又點算好?即管向南沙叩門吧,一來香港資金在南沙都有不少投資,如霍英東家族就出了不少力,二來南沙都有不少地區發展中,不妨引入香港管理模式將南沙發展起來。

呢個方案牽涉到地方主權問題,遠比香港範圍內填海徵地複雜得多,但係成也政策敗也政策,只要阿爺一開綠燈,成件事也可以好順利就傾掂數。

希望呢個天馬行空的想法有一天可實現。

 

作者網誌:http://www.ccomentary.com

%d bloggers like this: