通識教室:現今有CY,古代有雍正

《雍正皇朝》片頭曲

 

筆者唔係CY fans,不過心底裡都覺得佢有點本事,起碼民望唔高,日日俾人鬧,仲要解決普選、住屋、扶貧等問題,壓力都唔細,但係見佢每次出黎都淡定有錢剩的風格,對答又唔會混亂(如有人問佢係唔係想同壽西斯古齊名,佢只以一言「不論不類」回應),仲實事求是地用供應去解決樓荒,真係點都我唔服。

歷代皇帝之中都有一位皇帝在爭議聲中繼位,而後世對呢位皇帝的評話都係批評多過讚好,呢位就係在位僅僅13年既雍正皇帝。

坊間似乎好鍾意將雍正描述到過橋抽板,做事不擇手段似的,最常流傳的就係話康熙原來想將皇位傳俾第十四個仔,不過雍正就改為傳位于四皇子胤禛,即係雍正本人,呢件事是真是假就各有各講,不過也有好多學說指康熙的遺詣無被改過,話晒康熙都係精明皇帝之一,雖然年老時多病痛少左理朝政事務,但係未唔代表眼光同頭腦會因此而衰退,再加埋少理朝政令國家弊病叢生,呢個時候搵個硬淨一點去繼位都好合理。而雍正在位的表現,應該說明左康熙係無睇錯人。

另一個誤傳就係將雍正重用年羹堯,後尾又借故將佢處死,而電視劇《甄嬛傳》中仲講到雍正殺害埋果郡王(即康熙第十七子),呢度要平反一下,首先年羹堯似乎係犯左功高蓋主的錯誤而走上末路,例如同總督文書中都直接叫總督個大名,去到邊疆皇爺碰面又要對方行跪禮,最要命的更是在章奏中寫錯字同埋字漬瞭草,呢堆自我膨脹的行徑都足以令當權者成為威脅,除之免後患又真係好正常。還有隆科多,以下是一篇督背脊的奏摺,雍正也給予機會改過。

雍正朱批2

至於殺死果郡王相信只係劇情所需,因為果郡王在乾隆即位後獲封為總理事務大臣,直到乾隆三年(即雍正死後三年)才患病而死,不過果郡王死時才42歲,唯有利用此點去改篇一下,入埋雍正數加強佢既陰暗面。

實際上,雍正在位期間相當勤力,據稱康熙所批奏折中,超過一半都是寫:「知道了」,只是比寫個「閱」字好一點,而在位13年的雍正,年在奏折上的批字就達1,000萬字,並且寫書達500多萬字,比康熙(61年)同乾隆(63年)還要多。

雍正朱批

而清帝國亦都由康熙晚年時嚴重虧損的國家扭轉過來,為乾隆打好國家基礎,所以話康乾盛世,都要多得雍正呢位皇帝打好基礙,否則只有康熙盛世而已。康熙去世時,國庫僅存銀800萬兩,各省當年虧空250萬兩,累計虧空789萬兩。至雍正五年,國庫存銀即由康熙末年的800萬兩增至5000萬兩,國家財政由虧轉盈。至雍正末年,國庫存銀又增至6000萬兩,各省藩庫,也日漸充盈,帑藏足用。

雍正在應付沉重的工作之下,亦會有幽默的一面,以下就是一個網上出名的朱批:

真漢子

 

雍正在工餘時,亦喜歡做角色扮演,然後叫宮中畫師作畫,其中甚至有一些是戴金色假髮和戴眼鏡,故宮也留下一些這樣的畫像:

雍正cosplay2雍正cosplay

 

下圖是故宮博物館留下的清朝各帝的字跡,其中咸豐的字,可以算是最便手了!

知道了

 

作者網誌:http://www.ccomentary.com

%d bloggers like this: