圖解地產:大嶼山寓言:大嶼山東岸是寶藏

大嶼山佔地廣但係大部份不是高山就是峽谷,全港第二高的鳳凰山就在大嶼山上,因此就算大嶼山大過整個香港及九龍舊界,即界限街以南,都得物無所用。

正如香港其他地方一樣,只要有填海,樓荒可解決,無錯,東涌新市鎮,同埋機場就是這樣建成的,未來東涌東部會繼續填海,問題係,東涌與及大嶼山北岸可以繼續填海嗎?

答案是,政府想,但市民不想,因為大嶼山北岸係中華白海豚的棲息地,再加上填黎都無用,香港人由始至終都係以中環為中心點,否則又點會透過佔領中環企圖令政府妥協?所以係東涌起樓起到癲,只會被人嫌棄,或只買黎收租。

咁大嶼山其他地方又可以填海嗎?可惜西岸太遠離市區,南岸又多靚沙灘,最重要的是成個大嶼山南部都係郊野公園,早前政府係咁意提下想打郊野公園主意都惹來群情洶湧的反對聲音,所以政府才退而求其次打北岸的主意吧。

既然北岸又要保育,南岸又郊野公園,是否意味著大嶼山無得發展?看來又未必,其實大嶼山東岸愉景灣已經有好好的交通配套,除了海路往中環外及坪州外,亦都有陸路去欣澳再經青馬橋出市區,也就是說,要延伸大嶼山東岸是絕對有可能。

不過大嶼山東岸都係以高山為主,要拓展土地都只能打填海主意,早前政府都有建議係南丫島附近起一個人工島,但係海中心起個平地的島嶼全無遮擋,打風時都幾危險,加上毫無配套,所有野都要特別建造,成本必定大增。

反而在大嶼山東岸填海,並連接坪州及周邊島嶼,就可以有一大片土地可作發展,而交通配套除海路外,也可以延伸愉景灣的通路到新填海地,此外,更可以伸延港島線,由堅尼地城站開始起條過海隧道去新填海地,咁樣做有個好處,就係可以借對岸的土地作為住宅區的延伸,就好似將軍澳成為港島東的延伸一樣。

 

Screen Shot 2014-01-03 at 1.18.10 pm

 

至於有網上意見認為有個潛規則唔可以係迪士尼附近有建築物,以免破壞迪士尼的童話王國,如果潛規則屬實的話,就請整治一下愉景灣先,因為建議的新填海地點都遠過愉景灣吧,而且,儘管當年是政府求迪士尼來港發展,都未至於咁屈就吧。再睇下東京迪士尼附近的環境,就會覺得香港對迪士尼真係好厚待了。

 

東京迪士尼

 

延伸閱讀: http://hk.finance.yahoo.com/blogs/tokuhon/%E5%9F%8E%E5%B8%82%E7%B5%90%E6%A7%8B%E5%A4%A7%E9%87%8D%E7%B5%84-%E6%9C%80%E7%B5%82%E7%AB%A0-%E5%A4%A7%E5%B6%BC%E5%B1%B1-164924052.html

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。
%d bloggers like this: