草本食療:「龜」苓膏大誤解

最近全城熱話,莫過於傳聞某名牌龜苓膏無龜的成份,甚至處理時唔夠衛生咁話。

站在環保角度,龜苓膏無龜都幾好丫!要整咁多龜苓膏,豈不是要殺好多龜?但係一盅龜苓膏只係賣得果幾十蚊,又點維皮?

所以我向來都認為龜苓膏只係消閒食品,不會考究內裡有無龜的成份。

關於龜苓膏的典故,上網睇一份「香港龜苓膏之歷史與源流小說」,當中有一段咁寫:

同治皇帝喜女色,愛到民間尋花問柳,終惹來花柳之疾,皆有史記載。太醫以龜苓配合其他解毒之中藥,並以五行之法,研製出藥製龜苓膏為同治皇帝治療。同治皇帝風流之疾,亦因而有所起色,漸趨痊癒。

由此可見,常服食龜苓膏或可解血毒,但咁執著要傳統配方龜苓膏,會唔會暗示俾人聽,你唔知做過D乜,搞到周身血毒所以要解解佢呢?

另,同文中引述的龜苓膏材料:

龜苓膏是以敗龜甲、土伏苓、生地黃、金銀花、綿因陳、火麻仁、甘草、生地、槐花、蒲公英、雞骨草等中藥合煎煉而成,配方各異,變種亦多,但萬變不離其宗,龜苓膏之材料,主要的,還是以龜甲和土伏苓為主。

敗龜甲
《綱目》:治腰腳酸痛,補心腎,益大腸,止久痢久洩,主難產,消癰腫,燒灰敷臁瘡。

土茯苓
《本草綱目》:健脾胃,強筋骨,去風濕,利關節,止泄瀉,治拘攣骨痛,惡瘡癰腫。解汞粉、銀朱毒。

 

睇番除龜甲外其餘部份材料都有清熱解毒的功效,因此龜苓膏無龜可能是用心良苦之作,好人好姐要清熱解毒係唔駛去到咁盡的,不過唔講清楚產品內容,係會違反《商品說明條例》過喎施主!

正如武俠小說《笑傲江湖》的一句精警對白:

任我行笑道:「在下本來也想多留數日,与諸位朋友盤桓,只不過在下的名字取得不好,這叫做無可如何。」
方證茫然道:「老衲這可不明白了。為甚麼與施主的大號有關?」
任我行道:「在下姓得不好,名字也取得不好。我既姓了個『任』,又叫作『我行』。早知如此,當年叫作『你行』,那就方便得多了。現下已叫作『我行』,只好任著我自己性子,喜歡走到哪里,就走到哪里。」

guilingjelly

早知改姓「土」,不姓「歸」

%d bloggers like this: