通識教室:古代置業實錄

上回講到古代無地產霸權呢回事,不過又講得深入一點,並不是完全無的,只係有都唔夠皇帝大,正所謂普天之下,莫非皇土,要拆遷上黎派隊兵就搞掂,只有少數開明少少的君主會對拆遷戶有點補償。例如宋神宗在1083年打算擴容開封城,新建的城牆要佔用120戶民居的用地,開封府就制定拆遷計劃,每戶平均補償171貫錢。

依家香港拆遷補償就按7年樓齡物業市價去計算,古代用甚麼來作準則就不得而知了。

不過講開呢171貫錢,計番現今幣值大概係三萬幾港幣左右,呢個價錢依家連迷你倉都買唔倒,那麼在古代呢?答案係,要視乎你係邊度買。

例如在宋代,在開封府的樓價就好貴,貴到連城中名人如蘇東坡都買唔起,有一個有趣故事,話說蘇東坡係其他小城市都有幾層樓,但係開封府入面就沒有物業,後來他兒子在開封府搞婚禮,連新房都沒有,最後要靠朋友借間屋出黎充當新房先可以辦好件喜事。

而蘇東坡的細佬蘇轍到七十歲才能在開封府南邊的城市許昌買樓,令佢老來都只能憑詩寄意:我生髮半白,四海無尺椽;我老未有宅,諸子以為言。即,我做到頭髮都白晒,都無層樓揸手,搞到子孫都俾說話我聽。

而唐代名人白居易情況也是類似,佢32歲時擔任校書郎一職,即在中央辦公室做下校對的工作,本來係長安東郊常樂里租左四間茅屋,養左匹馬代步,又請左兩個褓母,每個月都儲到一半人工,但係儲左十年都買唔倒樓。最後,白居易就走到去再遠少少的渭南縣買樓,平日就繼續係長安近郊租屋住,假期就返去渭南縣。

可想而知,要在大城市置業是高難度的事,古代如是現在也如是,君不見市區新樓加價加推都好快賣晒,新界樓就要平賣才有運行。

開封府

 

作者網誌:http://www.ccomentary.com

%d bloggers like this: