圖解地產:九龍西寓言:成為全港的交通樞紐

九龍西,即油尖旺區及深水埗區,可算是香港最多鐵路站及轉車站的區域,不如又來數下:

鐵路站:尖沙咀、佐敦、油麻地、旺角、太子、石硤尾、深水埗、長沙灣、荔枝角、美孚、旺角東、紅磡、尖東、柯士甸、南昌、九龍、奧運共17個站。

轉車站:尖沙咀、紅磡、南昌、美孚、旺角、太子共6個(可計埋尖東)

港鐵路線圖

過多兩、三年後高鐵通車後,九龍西的鐵路站就會增加至18個站,咁多鐵路站,可以想像每日幾多人流經過,再加埋巴士、小巴等交通元套,九龍西可以講得上係成個香港的大型交通樞紐,咁好既交通配套下對成個社區發展有乜可以發展呢?

筆者曾發表過的「阿爺借《旅遊法》幫香港城市大洗牌」一文中都講過,隨著旅客成份改變左,消費區域會跟住港鐵沿線擴張,就好似過去十年,頂唔住港島樓價的人會搬去有鐵路接駁的九龍站住,再頂唔住就再住遠少少去奧運站,第日南昌站住宅項目入伙後就會再進一步擴展。購物區域也如是,以往九龍區高階消費區域只在尖沙咀,現今已擴展至九龍站,甚至旺角都不再”MK”,朗豪坊都有不少名店進駐了。

咁原本係旺角的商業活動又搬去邊好?就好似住宅一樣,向(稍為)無咁貴租值的地方推進,例如以前大南街一帶都係賣布賣五金為主,現時都有部份店舖開始轉型,而深水埗更加特色化,福華街、福榮街滿佈特色食肆、人流也再不集中於鴨寮街、長沙灣道,預計深水埗可成為旺角的延伸,成為中階購物地段。

早前將軍澳線斷纜搞到將軍澳變成孤島,令筆者諗起政府保鐵保到出晒面的政策有無調整的空間,無可否認依家市區塞車好多時都係因為巴士埋站所引致,利用鐵路作為集體運輸主流係非常合理,可是巴士亦不能完全淘汰,始終鐵路都做唔倒點對點的服務。不過巴士就可以改為設立大型轉車站,將新界的人流集中去幾條主要市區路線上,咁樣就可以避免大量巴士塞晒係市區,而新界居民又可以多點選擇。

現時佐敦及美孚巴士總站最有條件成為九龍的大型轉車站,佐敦巴士總站位於三號幹線出口,新界路線可以一出站就上高速,減少在市區左兜右兜的需要,而現時大部份去荃灣、葵涌、屯門元朗等路線都必經美孚,假如在美孚設大型轉車站,除了轉市區路線外,也可以轉港鐵荃灣線及西鐵線,提供更多選擇。

延伸閱讀:

http://hk.finance.yahoo.com/blogs/tokuhon/城市結構大重組-九-九龍西-035357054.html

 

作者網誌:http://www.ccomentary.com

以上提供資訊僅供參考,不應視為任何投資之建議或邀請,投資涉及風險,應先考慮個人因素,如有疑問請諮詢專業意見。

1 Trackbacks & Pingbacks

  1. 上車換樓:買樓必看規劃圖 | 筆與置評 noTcomment

Comments are closed.

%d bloggers like this: